【多圖】ViuTV《全民造星》造型劣評如潮 網民嘲MK：亞視過嚟？
撰文：李納德
出版：更新：
由ViuTV舉辦的《全民造星》eye catching idol選舉，經過一輪面試後， 99位入圍男參賽者終於面世，當中包括舞蹈員、模特兒、記者、演員、學生等，雖然當中不乏靚仔，但不少網民就對宣傳照的造型劣評如潮，除批評清一色的黑白服裝「好MK」，令參賽者毫無星味外，化妝及燈光同樣出事，令網民紛紛質疑「個Art Director係咪亞視過嚟？」
ViuTV早前公佈《全民造星》入圍的99位男參賽者，被網民炮轟造型MK，力斥質作團隊品味差（ViuTV fb專頁截圖）
【全民造星造型照】參賽者中不乏靚仔，但宣傳照卻令人大失所望，有網民更稱ViuTV為「照妖鏡」。圖為1號Stanley（邱士縉）。（ViuTV fb專頁圖片）
+93
前日ViuTV在facebook專頁上載99位入圍男參賽者的宣傳照，讓網民投選最喜愛的男生，獲得最多「心心」的5位男神，便可以直入50強。雖然99位參賽者中，不乏高質靚仔，包括有「瘦版柯震東」邱士縉（Stanley）、「100毛G-Dragon」龍志權、「嫩版許廷鏗」陳瑞輝（Frankie）等，惟宣傳照的造型，卻引來大批網民炮轟。
相中99位參賽者清一色穿上黑白為主的服裝，在灰色佈景前「鬥chok」呃like，不少網民就批評服裝出事，「唔好咁啦，好MK呀大佬」，累贅及過時的設計，令人誤以為是「Cheap之堡服飾贊助」，令參賽者變得毫無星味，「碧咸都變八兩金」，認為造型師「有心玩嘢，化神奇為腐朽」，甚至質疑服裝是淘寶貨，「乜ViuTV冇budget咩？」
+5
除服裝外，網民又批評參賽者的「偽韓妝」及燈光同樣有問題，「粉底完全唔啱色，同條頸兩截色」部分參賽者更因此秒變菲律賓人，相當慘情。另外，有網民投訴部分參賽者明明是靚仔一名，「但影到成個大陸仔咁，點投得落手？」質疑製作團隊品味差勁，「節目係咪外判畀咗亞視搞？」，甚至有人坦言「個show將會慘淡過亞洲先生」。
（ViuTV facebook專頁）