【世界盃】杰寧公主:女球迷癲過男球迷 有女生為參加睇波團辭工

撰文:楊羨庭
出版:更新:

長達一個月的世界盃開鑼了,今次「戰區」在俄羅斯,部份賽事安排在凌晨2時才開波,捱夜睇波的球迷恐怕難免變「熊貓」。但深夜睇波並非男士專利,超級女球迷同樣大有人在。現年32歲,但睇波年資已有20年的前體育主持潘杰寧(暱稱「杰寧公主」、Kelena)表示,身邊不乏喜歡睇波的女生,一旦愛上睇波,甚至比男生更瘋狂:「為咗睇波連份工都唔要,我覺得呢件事癲架!」通宵睇波摧殘容顏?杰寧表示,一旦睇波成為生活的一部分,女球迷自有一套保養方法。

潘杰寧表示,身邊不乏喜歡睇波的女生,一旦愛上睇波,甚至比男生更瘋狂。(楊羨庭攝)
+5

本身讀女校的杰寧指,中學時代身邊已有3、4個朋友睇波,故一直認為足球愛好者不乏女性,但出來社會工作後,很多人聽到她會睇波都感到驚訝。她指身邊都有很多女球迷,但對足球萌生興趣則絕少與男朋友有關,多數是偶然接觸到足球比賽後,因當中熾熱氣氛或愛上某個球員而開始留意,「一嚟係睇靚仔,二嚟係畀佢嘅熱血所吸引,男仔好認真嗰種感覺」。

杰寧曾經見識過最瘋狂的女球迷,她指早年帶睇波團到歐洲球場朝聖,當時有位女球迷發訊息給她,指很想參加睇波團,但請不到假,預計難以成行。誰料到開茶會那天,杰寧卻見到對方出席,一問之下,原來她為睇波而辭工,「為咗睇波連份工都唔要,我覺得呢件事癲㗎」。

潘杰寧早前帶睇波團到球場朝聖及親身觀看賽事。(受訪者提供)

【世界盃】香港01全力策動 區區有波睇! 免費睇波兼有禮物包

地球有時差,要做忠實球迷,「捱得夜」是必要條件,潘杰寧坦言歲月催人,但又認為「睇唔睇波都會殘,自己冇諗咁多」,始終睇波是其生活的一部分。她指自己現為自由身,反而有優勝之處,因工作時間沒規定在日間,即使深夜看完球賽都未必需要早起,成為其優勢。

但有全職工作的球迷則較辛苦,杰寧表示聽過有人會預先請假,或計準睡覺時間,「瞓幾多個鐘先,幾多點鐘就要起身,等個人warm up(熱身)」,亦有女生會趁半場時間敷面膜。不過,她也坦然講出事實,「接受咗會有黑眼圈,冇辦法,做球迷就一定會有」。

場地提供:觀塘興業街BALL ROOM