【世界盃】想女友識睇波? 杰寧公主:首先唔好嫌「越位都唔識」

撰文:楊羨庭
出版:更新:

四年一度世界盃正式揭幕,許多球迷男友大概要向女友「請假」睇波,不懂足球的女友要識做「放人」嗎?錯!錯!錯!迷上睇波20年兼曾任體育主持、人稱「杰寧公主」的潘杰寧(Kelena)為一眾女友大平反:「點解睇波一定係男仔嘢?點解要將女仔拒諸於門外?」她認為足球盛事應該是全民參與,任何事情都有開始一刻,男友更可籍世界盃讓女生開始認識足球,「可能睇完幾場之後,啲女生好鍾意(睇波),比男友仲瘋狂」。

潘杰寧指,足球盛事應該是全民參與,「如果女友話陪你睇,就唔應該嫌棄」。(楊羨庭攝)
+6

在球迷男生心目中,找個願意陪吃麥當勞的女友之餘,最好是懂得睇波,贏一齊贏,輸一齊輸。在上屆世界盃期間,有網民在討論區以「識搵一定要搵杰寧公主做老婆」為題開帖,頌讚識睇波的女友是筍盤。對於網民的讚賞,杰寧卻表示,很多男生口裏說很想懂睇波的女朋友,但當女友問「咩叫越位」時,卻表現煩厭,不想教導女友,「想搵個識睇波嘅(女友),但又唔肯教佢,咁點識呢?」

潘杰寧指,香港不少女生都很熱愛觀看足球賽事,甚至會到外國追星。(受訪者提供圖片)
+2

杰寧指,足球盛事應該是全民參與,「如果女友話陪你睇,就唔應該嫌棄」。因開始看球賽時,總有很多不明白之處,「但可能佢(女友)睇完幾場後,發現好鍾意,可能佢比你仲瘋狂」。她勸喻男生要改變觀念,若一開始已經認定「女仔唔識、唔好煩啦,唔好跟住嚟」,那就不要怨女友不懂足球。

本港電視或電台的足球評述員,歷年來都是男性為主,潛而默化下,觀眾或聽眾一旦聽到女評述,總會有點奇怪的感覺。但杰寧認為足球知識不是以年資或性別來評定,而應按其評述水平去檢定是否稱職,「香港都有女球證啦」。

潘杰寧指,足球盛事應該是全民參與,「如果女友話陪你睇,就唔應該嫌棄」。(受訪者提供圖片)

【世界盃】香港01全力策動 區區有波睇! 免費睇波兼有禮物包 

杰寧早前隨電視台到不同國家採訪當地世界盃氣氛,包括巴拿馬和秘魯,對於本身甚少做運動的杰寧來說,最驚訝的是當地差不多所有人會踢足球,女性亦懂得至少兩、三項運動,而當地女球迷眾多,「(他們)不覺得體育有分男女,而是一件大家都會做的事……所以(喺)亞洲區先會覺得女仔睇波是一件很奇怪的事」。

她補充指,本港當然有很多女生睇波,但說到「筍盤」,作為利物浦「死忠」的她也忍不住硬銷,「當然利物浦嘅女球迷特別高質,哈哈哈哈,如果要搵(女友),嘗試留意利物浦嘅球迷啦!」

場地提供:觀塘興業街BALL ROOM