【世界盃燈神】網民批捧邊隊輸邊隊　大埔LuLu停着波衫出Po

俄羅斯世界盃首輪賽事頻頻爆冷，當中幾支傳統強隊如阿根廷、巴西，甚至上屆冠軍德國都未能贏波，令人大跌眼鏡。有網民戲稱可能是被指「燈力」強勁的大埔Lulu（董嘉儀）「着晒燈」捧邊隊輸邊隊，不少人熱烈關注她對每場波的預測，遇愛隊被她選中隨時留言怒罵。
Lulu回覆《香港01》查詢時表示，與人分享足球賽事貼士本是開心事，有人因而不高興非她所樂見，故自昨日起已沒身穿波衫發帖，稱「都想諗下先再算」。

有網民周一（18日）在連登討論區開帖，稱「大埔lulu果然唔係流，佢燈中左！」，指她連日來「燈」中不少傳統強隊在今屆世盃「輸波」或「和波」，引起多位網民共嗚，稱「有料，中哂」、「求下lulu收聲」、「唔好再燈啦 頂唔住啦」、「不如叫佢呢個世界盃唔好再出post」。

有網民更另開新帖「大埔LULU 18世界盃波衫POST全紀錄」，聲稱要統計LuLu今屆世盃的「燈人」紀錄。

部分網民笑言既然LuLu捧邊隊輸邊隊，遂搞笑稱只要永遠支持賭她的「對家」就穩贏，留言稱「跟LULU買咪得囉」、「有lulu邊有窮人」、「有燈神，有錢贏了」。當然有人因愛隊未能贏波而遷怒，留言中怒罵因LuLu預測而連累愛隊未能贏波。

【世界盃】香港01全力策動　區區有波睇！　免費睇波兼有禮物包 

翻查LuLu fb，她對上一次着球衣預測已是周日的事，當時她身穿德國隊波衫，稱「德國一定可以大殺四方，我估德國會大勝」，沒料被看好的德國竟然爆大冷輸波，不少人即留言戲稱與她有關，「德國比你燈一燈，玩完」，甚至怪她累人輸錢。

昨日賽事不少人擔心LuLu又再預測，惟她卻全日潛水未有發出預測Po，LuLu今日回覆《香港01》時表示，近日看了不少網民留言，她認為睇波同朋友分享下足球貼士是開心事，「但如果令有部分人唔鍾意及唔開心，我都唔想」，為此她稱昨日已沒有穿上波衫出Po，「想諗下先再算」。