【走塑難】網民自備食物盒買餸　佳寶店員質疑「成盒唔畀錢拎走」

環保是大趨勢，各大企業紛紛支持「走塑」，減廢為地球出一分力，有網民卻因此而受氣。該網民於fb群組發文，表示日前帶備食物盒到佳寶超級市場購物時，遭職員無禮對待，甚至被質疑：「點知你會唔會成盒唔比（畀）錢拎走」，令她大感失望，直言「覺得侮辱」。其他網民看完帖文後，慨嘆「走塑」非易事，批評店員無禮，指出即使用店方提供的膠袋仍有機會發生失竊事件。

下載「香港01」App ，即睇城中熱話：https://hk01.app.link/l7U1Y7t5LO

該名女網民於fb群組「搞走塑」發文，稱今早（3日）到佳寶超級市場「買餸」，其間向職員要求以自備的食物盒盛載雞翼，惟遭店員無視，「個姨姨好大聲話，佢唔要膠袋喎！之後唔彩（睬）我繼續用膠袋」。樓主再向職員要求不用膠袋，稱可將雞翼倒進食物盒中，而寫有價錢的貼紙則可貼於盒上，方便稍後付款，但這時另一男店員稱：「點知你會唔會成盒唔比（畀）錢拎走！」樓主說，當時「收銀只係隔離」，不滿「被當賊辦」，直指「聽倒（到）真心覺得侮辱」。

樓主其後因「唔想用佢個膠袋」，故放棄購物並離開。她說，以往自備容器購物亦試過被拒，明白店方擔心的原因，但首次「比（畀）人講到賊噤（咁）」，令她感到非常委屈，坦言「今次我真心玻璃心」。

樓主接受《香港01》訪問時說，曾到該店買菜時拒絕用膠袋，當時亦無任何問題，經過這次事件，相信不會再到該店，而會去街市買餸，但她強調，寫出此事的目的是希望大家「諗多步」，而不是要公審店舖。她指，明白每個人崗位不一樣，但說話時應顧及別人感受，又指沒有怪責店員堅持用膠袋，只是認為對方應注意禮貌。本網已向佳寶超級市場查詢，暫未收到回覆。

而其他網民亦同情樓主的經歷，批評店員無禮，指「乜用膠袋就唔可以成袋唔比（畀）錢拎走㗎咩」，「唔可以一件事，咁講真係好冇禮貌」，「要拎走嘅話…用膠袋都拎得走⋯佢係咩羅（邏）輯」。

亦有網民分享其「走塑」購物的經歷安慰樓主，稱「未必個個人都知唔用膠盒唔要膠袋嘅原因，特別係長期係呢D（啲）環境工作嘅人，因為佢地未必會睇到環境嘅新聞，所以我地要一人一把口用耐心去話比佢地知真正嘅原因」。

（fb群組「搞走塑」）