好難求父母陪我做場戲! 單親家庭孩子呻「親子功課」太難做

撰文:卓柏安
出版:更新:

學校不時發出親子功課,惟並非每個人的家庭都齊齊整整,單親家庭孩子或因而傷心。有成長於單親家庭的網民表示,類似功課完美地暴露其家庭問題,求家人「陪我做場戲去交呢類功課」很難,如老作又怕被揭發,最難受的是同學和其他家長的眼光。不少網民深有同感,有媽媽去世的孩子稱曾被要求分享如何慶祝母親節,老師知其情況叫他和爸爸去慶祝,猶如在其心上再插一刀。

樓主說她看到一個有關親子功課的帖文,讓她想起過去的經歷。(Getty Images/視覺中國)

下載「香港01」App ,即睇城中熱話:https://hk01.app.link/qIZYuEC5LO

日前在連登討論區上,有網民發帖指女兒幼稚園「功課多到癲」,「最難搞係啲睇唔明嘅功課」,原來該幼稚園要求家長為子女設計「溫柔存摺」,把與家人做的溫柔事紀錄下來。

這份溫柔存摺功課,令一位連登女有感而發,以「屋企有問題,細個嘅時候最尷尬就係交親子功課」為題發文。她說親子功課「完美暴露自己屋企有咩問題」,因為她「永遠都好困難去求到屋企人陪我做場戲去交呢類功課」。

她直指如功課要求影家人合照問題就更大,「好難先求到父母一起合照」,如果沒有合照「演唔到呢場戲」,就會被老師及同學「拎出嚟講」。她又可能為解釋而要講大話,「細個嘅時候覺得好難受,因為有好重嘅無力感」。

樓主分享自己的經歷,說自己因為家庭問題,遇上親子功課時都會十分難為。點擊閱讀樓主全文及回應:
+2

樓主表示,家庭不完整有時候最不開心的並非家庭問題本身,而是感受到同學及同學家長的目光,亦不願被當成茶餘飯後話題,但她亦怕被揭發講大話而不願靠自己虛構去交功課,這種不安會持續到最後功課再沒有人提及才完結。

她亦指,有時候老師的不理解都會令其難受,例如曾有老師問她爸爸為何不去家長會,叫她找爸爸來一次,她明言「我講佢唔聽」,老師也只叫她再試一下,「唔試點知唔得呢」,樓主傷感表示「有啲事根本唔試你都知唔會得」。

樓主提到,她最怕做功課之後,被老師要求分享她的大話。(Getty Images/視覺中國)

「真係希望以後啲學校唔會再搞呢種迫死小朋友嘅功課」,樓主直指並非所有人的家庭都完好無缺,可以簡單地完成這種功課。

她指自己沒有童年,不明白何謂溫馨及童真,但不以為恥,「因為呢個係環境迫人」,但這類功課、親子日「就將你歸類成異類」。她明白親子功課對正常家庭的人「可能都幾Sweet嘅」,但對她而言「每件事我都好似做錯事咁,做唔到」。樓主感嘆讀到大學畢業做了廿多年人,「衷心講句,無一份功課比起小學嘅親子功課更加難應付」。

樓主指自己曾經被老師要求請爸爸來家長日,即使明知無可能,老師還是說「未試過點知」。(Getty Images/視覺中國)

樓主的單親孩子因親子功課為難的故事,引起不少身處同一情況的網民共鳴,有人指媽媽在他年幼時已過身,卻被要求分享如何慶祝母親節,樓主指「真人真事,老師話,咁你可以寫點同爸爸慶祝㗎嘛,X你老X喇!」。

有網民感嘆「家家有本難唸的經」,如學生家庭本身有問題,或者是單親,「嗰啲真係搵嘢嚟搞」。又有人指,傳統教育大多假設所有人的家庭都是幸福美滿,「好似逼人分享咁,啲分享唔到家庭幸福就好似異類」。