【DSE】將軍澳小店送飲品予考生打氣　經理：少少鼓勵好重要

將軍澳一家餐廳近日推廣新優惠，應屆文憑試考生惠顧時出示准考證，便可獲贈飲品一杯。有網民將此推廣餐牌拍照，並上載至facebook群組，不足一日已有逾700人讚好。餐廳經理接受《香港01》訪問時指，希望為考生打打氣，「一句加油都會令佢哋舒服咗開心咗」。

有網民上載餐牌照片至facbeook「將軍澳」群組，餐牌上寫有「DSE加油！年輕人，你們是社會的未來」字樣，並指應屆文憑試考生惠顧時出示准考證，便可免費享用飲品一杯以作鼓勵。上載照片者稱該餐廳為寶林「OK德海南雞餐廳」，不少網民均留言指「好有愛」、「如果我係考生，我會好感動」。

經理：覺得呢一代唔快樂

「OK德海南雞餐廳」經理吳小姐接受《香港01》訪問時指，其子今年亦是文憑試考生，眼見兒子緊張備考，「啲notes貼到一牆都係」。加上現時小朋友常為學業埋頭苦幹、放學亦要參加不同興趣班及補習班，認為「而家呢一代都好灰、覺得佢哋唔快樂」，故希望在文憑試的時期，為考生打打氣。

吳小姐指，餐廳原本並無設學生餐，但因餐廳附近有不少學校，同時觀察到近期有考生完成考試後到場用膳，「佢哋唔係講咩打機啲嘢，而係講頭先做嗰題有無溫過」，故決定由三月底至五月提供此優惠。吳小姐又稱，每日約有30至40名考生享用優惠，大部份考生是與家人一同到餐廳進餐。

冀考生感窩心

應考公開試的考生總會面對非一般壓力，吳小姐指考生面對考試壓力時，未必會與家人分享，「少少支持同鼓勵好重要，如果係唔識嘅人同佢哋講，就會更加覺得窩心」，故亦叮囑樓面員工，若有文憑試考生兌換飲品，亦可跟考生說句加油。

至於餐牌上寫有「年輕人，你們是社會的未來，加油！」吳小姐直言「係感慨㗎，希望下一代開心啲睇呢個社會」，又寄語一眾考生，讀書固然重要，但人的品格更為重要，希望同學們「正面啲」，可以影響身邊的人亦更快樂。