【流行經典50年】86年《最愛是誰》永恆不老 王梓軒版有冇味道？
撰文：許栢倫
出版：更新：
TVB周末皇牌節目《流行經典50年》長做長有，由「50強」轉化為「50年」後，除了邀請久未露面的前歌手唱金曲外，亦會提供機會，讓一眾樂迷再次感受昔日廣東歌的風采，今集更先後有林一峰唱陳百強的《喝采》﹑王梓軒唱出林子祥的《最愛是誰》，31歲的王梓軒與作品一樣年紀，今次都算融入了個人風格，節奏稍為拖慢，令每句歌詞有足夠空間，讓觀眾消化。
王梓軒唱《最愛是誰》，究竟在想緊邊個呢？
+1
《最愛是誰》相隔2017年已達31個年頭，屬於1986年電影的主題曲，由潘源良創作，歌曲旋律平淡，展現出歌唱者對感情的思考，究竟人生最愛是誰？歌詞沒有提供答案，「何謂愛/其實最愛只有誰？」
愛情這個題材，看來是每個年代都會思考的難題，歷久常新。
王梓軒（Jonathan）接受《香港01》訪問時表示：「其實廣東歌嘅影響力真係好大，當年有好多經典廣東歌紅到唔單至係兩岸三地，甚至去到日本韓國，就係有呢一班咁好嘅歌手同音樂創作人，令到我哋呢一代嘅歌手可以向佢哋學習，甚至乎有自己嘅創作同埋聲音。而我細個就好受3位創作歌手影響，分別係Ah Lam（林子祥）、歌神許冠傑仲有盧冠廷，所以喺今次嘅《流行經典50年》專登演繹由盧冠廷作曲，潘源良填詞，林子祥主唱嘅《最愛是誰》。」
Jonathan續說：「雖然《最愛是誰》係講主角有兩位心愛嘅人，喺佢心入面難已取捨，甚至後悔自己在愛情上嘅選擇，雖然我無咁嘅經歷，但我曾經試過被人一腳踏兩船，所以我用呢一種受害人嘅心情去演繹呢首歌，所以編曲上會與同曲唔同，會比較哀傷一啲。」