【一首歌】周國賢Rock友情歌　《地下街》「跟你終老」

一講周國賢，大家可能自動會諗起「周國腎」、「腎仔」、「港版Kurt Cobain」等等嘅花名；甚至會咎病以往佢唱Live，笑佢係「Studio Voice」。話雖如此，但周國賢沉寂一段時間後，近年唱Live穩陣咗好多，假音「冇咁假」，真音上高音又夠實淨，值得大家留意下，唔好再笑人以前啲黑歷史喇。

除此之外，周國賢嘅創作才華真係不容置疑，初出道的《目黑》、《地下街》、《不敵》、《14天》，到近年的《有時》、《陽光燦爛的日子》、《初戀殘酷物語》、《覺醒字幕組》等等作品都非常高質。而且周國賢以往予人攞住電結他Rock友嘅形象，但近年轉行彈木結他為主，以最純粹嘅「一人一結他」方式演出，帶俾樂迷另一個感覺。