楊千嬅預告會唱side track滿足樂迷 妙論何謂「假假地三面台」
撰文：黃浩晉
出版：更新：
楊千嬅《三二一GO！》演唱會記招今日在尖沙咀舉行，千嬅出場時舞台隨即噴出白煙營造女王駕到的氣勢。演唱會門票火速售罄，所以記者會上千嬅宣布將會加開12月29日至18年1月1日，共4場與樂迷一起跨年。
將第7次踏上紅館開騷的千嬅，在記招上表示「三二一GO！」這句說話給予自己力能量繼續開騷，亦感謝歌迷多年來的支持，千嬅表示：「希望每年可以喺我有準備之下同仲有能力嘅時候，繼續做樂做好每一次演唱會。希望到同我個仔一樣大嘅人大個咗都知道《少女的祈禱》，呢個我最大目標！」
千嬅又講到今次係開「真嘅三面台」，她笑謂：「假假地嘅三面台叫做『鑽石三面台』，我都係近幾年先學識，哈哈！」不過面對傳媒直播，千嬅都笑言：「直播緊唔好亂咁講喇，哈哈！」
千嬅笑容滿面，話近幾年自學識咩叫「假假地三面台」。(梁碧玲攝)
記招後，千嬅在《香港01》的直播與讀者玩「你問我答」，網民問到今次會否再請汪阿姐、余文樂等人做嘉賓？千嬅表示：「今次想將一種countdown party嘅感覺變成生活理論融入歌曲入面，都係以自己為主角，所以嘉賓方面可能就冇咁主打。」
被問到演唱會每晚的rundown也會不同？千嬅表示：「今次場數破咗自己記錄，相信每晚最尾都會有啲adjustment，因為開過好多次，都想俾到新鮮感觀眾。」
網民很關心會否多唱side track曲目，千嬅表示都想多唱非主打歌：「我都好想呀！不過又唔會為偏門而偏門，最想都係配合到rundown將信息表達到出嚟。」千嬅又提到今次與王雙駿合作是一個新的班底，除了《Wonder Woman》還會有新的合作。
千嬅出場如女王駕到一樣有霸氣。(梁碧玲攝)
記招上仲有草蜢三子現身送禮！(梁碧玲攝)
+1