周國賢開騷一提囡囡即喊：佢陪我睇星嗰一刻對我嚟講係永遠
撰文：黃浩晉
出版：更新：
周國賢今晚於旺角麥花臣場館舉行《銀河鉄道之夜》演唱會頭場，無論坐位企位都座無虛席，相信樂迷都期待周爸開騷良久，就算要企足一晚都毫不介意。
周國賢今晚舉行演唱會頭場，帶大家踏上銀河鐵道之旅。（江智騫攝）
+6
演唱會由一段大提琴獨奏揭開序幕，大提琴奏出哀怨的旋律，隨即台上屏幕播出穿梭草地的畫面，帶在場觀眾入mood，步過草地準備踏上「銀河鐵道之旅」。
然後周國賢出場清唱半首《今生不回家》展開旅程，全場都已經進入狀態，聽得非常投入。接着周國賢拿起電結他唱出《消化不良》及《大躍進》，Endy非常投入在台上自轉、跳來跳去，澎湃鼓聲與暴躁的電結他交織出搖滾的節奏，炒熱全場氣氛！
周國賢攞起電結他做返個Rock友，相信fans都等咗好耐。（江智騫攝）
舞台搭建一條天橋延伸到觀眾席之中，周國賢親民地與觀眾握手，然後拿着木結他坐下，唱出一系列「心事歌曲」。周國賢與觀眾打招呼：「多謝大家！好耐冇見！好耐冇開過屬於自己嘅演唱會。噚日係我生日不過冇慶祝留番今晚慶祝。」他又自嘲說：「12月咁多騷，你哋揀正一個唱得最麻麻嘅嚟聽，哈哈！」接着唱出《張氏情歌》，他又說：「當時杜汶澤先生俾杜太聽嘅時候，杜太都話『睇嚟佢好多心事喎』。」
周國賢好親民走入觀眾席氹得樂迷好開心。（江智騫攝）
+4
唱過《張氏情歌》，周國賢再唱《地下街》及《陽光燦爛的日子》，更令全場自動大合唱，畫面相當浪漫！然後周國賢憶起一段與大女在多倫多生活的往事，更說到流下男兒淚，「當時我要處理晒所有家務，原來做爸爸真會躁底。有一晚我瞓喺雪地睇星，我個女拎住啲厚衫出嚟瞓喺我側邊一齊睇星。雖然只係睇咗1分鐘，但係嗰1分鐘對我嚟講係永遠！」