at17新伊館開騷全場爆滿 林二汶感觸：我哋冇分開過！
撰文：黃浩晉
出版：更新：
樂迷期待已久的at17（盧凱彤，林二汶）終於合體開騷喇！首場嘅at17《Girls Girls Girls》演唱會今晚（12月22日）於新伊館舉行。樂迷等到頸都長埋就係為咗聽到佢哋一齊講：「大家好！我哋係at17！」今次佢哋咁難得開騷，身邊人及好友當然入場支持。在開騷前所見，盧凱彤太太余靜平、黃耀明、黃偉文、卓韻芝、李拾壹、衛詩雅等人，都有現身為好朋友打氣。
「大家好！我哋係at17！」（黃國立攝）
Ellen與二汶一出場還未唱第一句，全場樂迷已經為之瘋狂，歡呼聲四起。演唱會開首Ellen便拿起木結他，與二汶一口氣自彈自唱《我們的序幕》、《唱歌》、《始終一天》及《窮得只有愛》；二人更跑進觀眾席每個角落與樂迷握手互動，又與Wyman（黃偉文）、明哥（黃耀明）擁抱，歡呼聲隨即此起彼落，所有人不用熱身便natural high，跳的跳，尖叫的尖叫，無一不投入這個大型派對之中。
Ellen出場便拿起木結他與二汶一同合唱多首回憶之作（黃國立攝）
二汶走進觀眾席與樂迷握手，又與黃耀明和黃偉文擁抱。（黃國立攝）
《衝衝衝》、《我愛班房》、《女扮男生》、《三分鐘後》、《Never Been Kissed》等等歌曲盛載着多人的青春回憶。二汶眼見全場爆滿一時感觸話：「我去盧凱彤個騷係呢班人，喺自己個騷又係呢班人；係你哋嘅齊心，令我覺得我哋冇分開過！希望以後可以繼續相見！」
等咗7年喇！Ellen同二汶終於合體開騷喇！（黃國立攝）
+4