【十大中文金曲】陳奕迅獲讚攞獎無限Loop 吹神金句：多元啲好
撰文：黃浩晉
出版：更新：
《第40屆十大中文金曲－我和你音樂會》今晚於九展舉行，陳奕迅成為大贏家連奪三個大獎：「全國最佳歌手」、「全球華人至尊金曲」及「最優秀流行歌手大獎」。Eason三度上台攞獎，佢興奮得話：「好似replay咗咁，哈哈！」主持人都稱Eason為「攞獎無限Loop」，不過Eason謙虛話：「多元啲好，嚟嚟去去唔係幾好嘅。」
主持人讚Eason係「攞獎無限Loop」。(陳順禎攝)
Eason攞大獎之餘亦為大家送上一段金曲Medley表演，不過表演之前他自嘲說：「做足功課就唔怕緊張，甩歌詞係值得俾人鬧嘅……下一個環節好過引，我練咗好耐！」他又說：「做足功課就可以好自如，唔使去諗做緊乜嘢，做歌手喺台上面最緊要係玩得過癮！」
Eason自嘲：「做足功課就唔怕緊張，甩歌詞係值得俾人鬧嘅。」(陳順禎攝)
陳奕迅一口氣唱出《Shall We Talk》、《四季》、《七百年後》、《富士山下》、《任我行》、《富士山下》、《明年今日》、《夕陽無限好》、《重口味》、《陀飛輪》等等歌曲，讓歌迷一次過回味他歷年來的金曲。
一聽到Eason唱《四季》，明顯他想「復仇」一洗去年在頒獎禮上失手的污名；除此之外，他將《重口味》改編成Jazz版，正如他得獎時所說：「做足功課就唔使緊張！」Eason表現非常投入，手舞足蹈也沒有影響發揮，真係做到「隨心而唱」整段Medley以《陀飛輪》作結，同樣是帶點Jazz味道的編曲，陳奕迅改動了某些旋律，為觀眾帶來新鮮感。Eason亦能兌現承諾，整段表演完美演繹，沒有讓大家失望。
Eason冇甩詞，冇走音，狀態非常好。(陳順禎攝)
睇到Eason咁自如，我哋認識嘅陳奕迅終於返嚟喇！(陳順禎攝)