【有片】費玉清跳大媽舞唱《對你愛不完》 挑戰音樂新境界好喜慶
撰文：洪曉璇
出版：更新：
香港朋友對費玉清嘅印象，大部分都係來自於佢同周杰倫合唱《千里之外》，不過其實佢資歷真係相當深厚，人稱小哥嘅佢出名歌聲極具個人特色，1977年已經推出第一張唱片，出道至今已經足足41年，擅長唱民歌和小調風格。呢次係內地節目《天籟之戰2》當中，又唱又跳郭富城嘅《對你愛不完》，效果真係相當喜慶。
唔睇字幕，費玉清呢個手勢真係以為佢唱緊「我送你離開千里之外」。(影片截圖)
見到費玉清又唱又跳，莫文蔚都仲保持住儀態，不過楊坤就笑到出聲停唔到啦。(影片截圖)
內地節目《天籟之戰2》總決賽中，費玉清同拍檔劉相松就好似將比賽變成春節晚會一樣，佢地將《對你愛不完》Crossover《春來了》一齊表演。費玉清堅持用佢嘅清澈潦亮字正腔圓嘅唱法，獻唱「對你愛愛愛不完，我可以天天年年月月到永遠」，！勁歌熱舞搭配民族舞步，標準城城手勢搭上類似薜家燕「Hey也Hey也Hey」嘅十字舞，畫面居然係相當和諧，簡直係Perfect Match﹗直情同賀年歌有同樣喜慶效果，唔知兩位香港台灣嘅大前輩，有無興趣考慮下合作演出呢？
呢個步法明明就係家燕姐嘅「Hey也Hey也Hey」﹗﹗(影片截圖)
+4