古巨基森美拖手仔 hehe版《愛與誠》MV最受中女歡迎
撰文：黃浩晉
出版：更新：
古巨基將於5月舉行紅館個唱，日前TVB播出特輯《古巨基初心再體驗》，節目中基仔重返「娘家」再次做「新人」，例如：重投訓練班、再做《娛樂新聞眼》主持、客串路人甲等等。除此之外，節目更邀請了森美和唐詩詠，惡搞了一個hehe版《愛與誠》MV。
唐詩詠以往曾擔任《悟空》及《下次再見》MV的女主角，所以基仔開口邀請都不會托手踭。不過今次焦點是森美，因為繼《誇世代》與陳豪有hehe情節，今次在新版《愛與誠》MV中成為基仔傾慕的對像，最後更深情對望，Sweet到呢！
你睇基仔同森美幾Sweet！(節目截圖)
基仔喺facebook話，呢段hehe感情線連古太都鍾意。(網頁截圖)
基仔同森美呢條hehe感情線不單止網民歡迎，就連古太都好buy。基仔喺facebook話：「古太話呢個係佢有史以來睇得最開心嘅MV，笑到hehe聲。」此post一出引來網民紛紛留言，豈料基仔再神回貼出facebook統計：「你的影片最受35-44歲女性歡迎」，仲話古太以後要幫佢MV搵男主角，唔搵女主角咁話。
另一邊廂，森美都忍唔住喺facebook問：「究竟我係咪真係咁得男仔歡心，點解成日搵我做hehe？」網民大讚佢「入型入格」o添呀，睇嚟森美可以開闢新戲路喎。
Facebook統計顯示，呢個hehe版《愛與誠》最受35-44歲女性歡迎。(網頁截圖)
森美都忍唔住問點解成日搵佢做hehe。(網頁截圖)