【叱咤2018】林奕匡三奪唱作人金獎：我曾經同舒文講想做一個明星

林奕匡於《2018年度叱咤樂壇流行榜頒獎典禮》中得到「叱咤樂壇唱作人」金獎，亦是他繼2015年、2017年後，第三次得到該獎項。上台領獎時，他表示：「剛才睇到好多歌手的說話，例如aga話舒文問佢想做歌手定明星。大概9年前的時候，舒老闆都有問我同一個問題，我當時同佢講，我想做明星。其實呢個答案有咩唔好呢？音樂對我而言好重要，因為我在外國長大，經常畀人蝦，抬唔起頭做人。直至我讀書嘅時候，首次台上表演色士風。所以我不停花好多努力，如果能在台上表演音樂，每次我都會好珍惜。」