網民集氣推到BOYZ上紅館:今次會唱集體回憶經典歌

撰文:彭嘉彬
出版:更新:

由關智斌、張致恒組成的男子組合BOYZ,2003年出道後一直也未有機會登上紅館舞台。去年於九展舉行首次售票音樂會,門票全數秒殺,當晚樂迷更表示要集氣把他們推上紅館。去年反應這樣熱烈,正所謂食過返尋味,BOYZ今日終於有好消息,因為紅館正式批出了九月十四日的檔期,讓他們舉行入行十六年首個紅館演唱會。

去年在九展舉行演唱會,樂迷反應非常熱烈,所以BOYZ決定今年踏上紅館! (資料圖片)

BOYZ透過經理人霍汶希(Mani)表示好開心:「啱啱知道攞到期,場數未定,要睇紅館及觀眾反應,我哋出道咗十六年,今次係我哋第一個紅館騷,好期待。」Mani興奮同時亦都好頭痕,因為Kenny之前接咗兩部戲,同演唱會撞晒期,Mani話:「本來想推一部,但我哋簽咗約推唔到,佢啲期好緊張,但公司一定會留足夠嘅時間畀佢哋練歌練舞。」問到演唱會上有乜驚喜,Mani就話睇吓佢哋機器壞未,「未生銹就繼續打前空翻後空翻,今次係集體回憶,佢哋會唱番經典歌。」仲話公司嘅師兄師姐好似謝霆鋒、容祖兒、Twins一定會空巢而出去支持㖭。

近日Kenny亦飛到法國參加巴黎時裝周,點擊大圖觀看更多靚仔相!
+2

JW王灝兒首次擔任大專聯校歌唱比賽星級導師及決賽嘉賓,賽前教授學生擺脫「發台瘟」秘技。6.26晚旺角麥花臣,約定您!一同見證大專歌王誕生!