MIRROR新歌《Reflection》MV鏡頭被指大細超 花姐:邊個唱剪邊個

撰文:陳芷穎
出版:更新:

人氣男團MIRROR成軍一年,趁機推出新歌《Reflection》,更特意飛到台灣拍攝MV,實行以高質製作答謝「鏡粉」們的厚愛。官方MV終於在日前推出,無論在拍攝、剪接以及編舞上都比起過去三首歌《一秒間》、《ASAP》及《破鏡》成熟了不少。

聖誕就到,準備好禮物未?投【01最賞睇娛樂大獎】,有大把禮物抽喎!超過70萬元豐富獎品,包括旗艦手機11 Pro MaxDyson風筒,仲可以有01積分換唔同禮品

鏡粉們睇咗MV未?(《Reflection》YouTube截圖)

MIRROR今次特意飛到台灣拍攝MV,大家都以為成本一定增加不少,花姐卻否認:「台灣同香港拍成本差唔多,同香港拍一首歌差唔多。但同《一秒間》比就爭好多,多一倍,今次特登喺台灣搵咗個導演做。」跳舞方面,《Reflection》的舞步多又快,對成員們來說是體力的考驗,花姐直認:「排舞老師想畀考驗佢哋,同埋要襯返個音樂,呢隻歌係咁多隻舞最難跳。」

今次的編舞,係考驗MIRROR體力。(《Reflection》YouTube截圖)

鏡頭多寡被指偏心 花姐氣結:邊個唱就剪邊個出嚟

但MV一出,不少網民對鏡頭剪接上有意見,認為某部分成員特別多大頭,更有偏心、分化MIRROR之嫌,花姐激動澄清:「其實我都係跟邊個唱剪邊個,(今次係咪畀唱將發揮?)Tiger、Lokman唔係唱將,跟返邊個唱得多就多啲shot,導演就會咁編。我冇理由Lokman唱,我加個阿Jer落去。(Alton,Stanley少啲鏡頭?)佢哋喺MIRROR都唔係唱歌擔當,MIRROR 12個係要公平,我哋都要尊重導演,導演係跟音樂去剪。我覺得唔好執住呢啲,跟住音樂剪MV好合理嘅logic。(網民問係咪偏心?)邊會偏心!如果我要偏心,就唔簽12個。呢啲問題太無聊,我俾人問咗一年係咪偏心,我都唔知自己偏心邊個。」

有網民統計了成員出鏡的秒數。(YouTube截圖)
有網民指剪接不公。(YouTube截圖)
有網民認為部分成員特別多大頭。(《Reflection》YouTube截圖)
有網民認為部分成員特別多大頭。(《Reflection》YouTube截圖)
有網民認為部分成員特別多大頭。(《Reflection》YouTube截圖)

點擊逐格睇《Reflection》MV,數下姜濤、Anson Lo係咪特別多大頭:

+26