我們的音樂時代|馮穎琪為麥浚龍寫歌備受肯定:啲人講嘢冇咁大聲

撰文:劉傳謙
出版:更新:

近期推出新歌《清酒之約》的馮穎琪(Vicky),近年以音樂人、音樂策劃及經理人3個身份活躍樂壇。最近她在J2音樂訪談節目《我們的音樂時代》與主持人許文軒(Edmond)談起和麥浚龍(Juno)合作的點滴,她透露當年因為創作《弱水三千》,因風格獨特而備受好評,更間接與旗下藝人鄧小巧結緣。

今集《我們的音樂時代》邀請Vicky(右)詳談創作心得,又與鄧小巧(中)分享二人相識及合作的點滴。(資料圖片)

《雌雄同體》證明Juno實力 曾被唱片公司看中另類曲風

Juno是其中一位與Vicky合作較多的歌手,前者在離開環球唱片後欲向非主流曲風發展,更大膽採用Vicky所作的《雌雄同體》(2005),最後在樂壇頒獎禮上取得佳績(包括讓Juno首次奪得叱咤樂壇流行榜頒獎典禮「叱咤十大第九位」),讓樂迷刮目相看。

Vicky坦言《雌》的創作風格,與早年她為鄭秀文創作的《放不低》或者陳慧琳的《最佳位置》等作品完全不同,的確較難吸引主流歌手採用:「個個都話唔相信佢,但係(我覺得)佢會去到No.1嘅。之後我覺得啲人講嘢係冇咁大聲(意指否定聲音比以往小),接受程度冇以前咁一面倒,咁對於我之後嘅創作有好大影響。」

另一首Juno代表作《弱水三千》(2009)同樣出自Vicky手筆,在樂壇同樣深受歡迎。如此另類的曲風亦吸引其他唱片公司向Vicky邀歌,更指明風格要與《弱水三千》相近。Vicky直認自己所寫的歌有點「不正常」,但音樂創作本該如此:「其實流行曲係有好多可能性,而未有人去發掘,我就想試呢啲嘢。」Vicky作曲時亦接受Juno挑戰,因而寫出如《借火》(2007)般演唱難度極高的作品,她指:「佢(Juno)喺第一個Live度真係唱到出嚟,但係事後我自己攞返嚟唱係唱唔返,因為要一口氣唱50幾個字。」

+4

與鄧小巧於音樂餐廳結緣 全靠《弱水三千》

Vicky於2010年和音樂人謝國維創立寰亞音樂旗下品牌音樂份子(Frenzi Music),並曾與其他創作人經營音樂餐廳「Backstage Live Restaurant(下稱Backstage)」,為音樂人提供表演場地。訪問當日同時邀請音樂份子旗下歌手鄧小巧,她在出道前已經知道Backstage的存在,亦深愛Vicky的作品,但在見面前從未不知道對方模樣。

小巧曾在朋友鼓勵下於Backstage台上翻唱《弱水三千》,但從未想過從此與Vicky結緣:「有個朋友識佢(Vicky),佢就喺Vicky面前問(我):『你今晚唱《弱水三千》,你知唔知邊個寫㗎?』我梗係知啦,馮穎琪呀嘛,佢就話『呢個咪馮穎琪囉!』」

雖然二人皆希望嘗試更多元化的音樂,但一首《兩溝》(2018)卻令整個創作團隊幾乎不歡而散,小巧感激Vicky當時擔當團隊內調解的角色:「佢好好幫你分析你嘅狀態,將呢啲意見收集,再傳返畀每一個人聽,呢個部分係好重要嘅,如果唔係嗰次真係會打交。」Vicky直言《兩溝》幫助訓練團隊溝通:「你知道大家要爆(發脾氣)喇,但係點樣令大家唔爆出嚟,而件事又繼續work(推進)呢?因為你擺喺個心度,個問題始終都冇解決到。」

+15