Edan呂爵安一連三場演唱會《EDAN LUI “e to E” LIVE 2025》今晚（18日）尾場，二登大師今晚講經時，提到「人會變月會圓，無諗過MIRROR份約會完」即時引起全場哄動，Edan即時補飛：「會續架嘛！會續架嘛！」

而今晚一齊「祓經」的有Edan昔日室友蔡俊彥（Ryan），為怕被話叨光，Edan特別澄清「我喺佢拎世界第一前已經請佢做嘉賓」，又解釋今次每位嘉賓主要是身邊的人，Ryan 即表示「尋日你話Anson Lo係你best friend 喎，咁我係咩？」搞到Edan 不知如何回答，最後才想出「你係我best buddy。」二人之後合唱周杰倫的《安靜》，而首次在公開場口獻唱的Ryan表現淡定之餘，其歌喉亦十分不錯。