張學友昨晚完成最後一場《60+巡迴演唱會》，之後接受媒體訪問，被問會否期待四大天王重組，張學友表示只想四大天王，成為大家心目中一個美麗的感覺或回憶，他說：「你想唔想見到全部都老哂？點解你會想見到啲老哂㗎呢？我諗喺大家心目中嘅四大天王，係嗰個四大天王（意思是當年那四位)，我成日都講四大天王只係一個時代嚟，佢只係一個時代，咁過咗之後呢？係我哋成日自己講㗎咋嘛，其實即系仲邊度有四大天王呢件事啫，大家都分開曬去發展，分開去做。」

「我其實好唔想停留喺嗰嗰⋯⋯第一，我哋冇自己叫自己四大天王，我唔代表其他幾位，我哋自己其實冇話過，我哋自己係四大天王，只不過系當時個樂壇係咁，傳媒都係，佢哋好叻嗰陣時，我都估唔到做得起，以前又話三大家族，但做唔起，四大天王個名易記啲，之後做起咗，但佢只不過某個時代嘅嘢，我寧願希望佢係一個美麗嘅感覺，美麗嘅回憶，我哋又唔係唔見，大家都見到我哋，我哋都成日走出嚟，黎明又就快開演唱會，阿王（郭富城）啱啱先做完（演唱會），即係大家一路做緊，大家都可以見到。」