古天樂紅館演唱會《MY FIRST SHOW》昨晚（22日）舉行尾場，一直盛傳做嘉賓的劉德華終於現身，兩代「楊過」相遇，更齊齊戴上黑超，合唱劉華的經典歌《獨自去偷歡》，唱完後更緊緊相擁近20秒。古天樂憶起二人1999年拍電影《龍在邊緣》首次合作，劉德華還笑說：「我嗰陣時金毛，每日去到都要噴黑佢。」

劉德華把咪遞向觀眾席，示意大家尖叫，全場粉絲愈叫愈大聲，他對古生說：「我以為我哋冇得頂，佢哋（粉絲）就真係冇得頂啦！」之後當然再一次掌聲雷動，劉德華指古生首次開騷，自己能做嘉賓，非常開心與榮幸，然後古生說劉華常常都會鼓勵自己，他真心地感激：「你喺我心目中真係大哥哥！（劉德華：我大你幾年啫。）你喺我心目中係大少少嘅同輩吖嘛。（劉德華：我鍾意！我鍾意你呢句！）」

接著，劉德華更「交棒」予古天樂，指：「我已經有家室，冇以前咁搏，交畀你！」古生叫他一齊搏，他則義氣地許下承諾：「你嗌我，我幾時都出現！」