古天樂澳門演唱會，今晚（30/8）舉行尾場，特別嘉賓繼劉俊謙後，就有姜濤壓軸，二人合唱張國榮的《當年情》。隨後姜濤提到當年一出道，古生已經約MIRROR食飯，期間給予不少意見和鼓勵。姜濤有留意前一晚，偶像羅志祥（小豬）任嘉賓，獲古生公主抱起，姜濤都想試一次，但笑稱不想古生斷腳，反提出由自己公主抱起古生，令全場尖叫！

當姜濤提出公主抱時，古生有點驚訝，姜濤隨即扮扭計︰「啊～尋日小豬……你唔係唔畀我抱嘛？」古生一句︰「嚟啦！」立即就位，姜濤的確一個馬步就成功將古生抱起，仲來個轉圈360，放古生落地前再扮強吻，嚇得古生面容扭曲！

姜濤表示好開心今晚見到古生的另一面，因為古生一直支持MIRROR成員的演出，成員開演唱會都會前來觀看。姜濤︰「佢每次都係坐正中間，壓力好大，但無論我哋跳得幾勁，佢都係咁樣（板起臉），戴住副超。令我哋好想表現得更加好，今日終於見到你另一個表情。」