郭富城啟德|合作19年Dancer剖白超感人︰只要你要我都會繼續幫手
舞台王者郭富城(Aaron)啟德首演《郭富城ICONIC MOMENT啟德跨年演唱會26/27》,將於2026年12月31日及2027年1月1日舉行。早前Aaron上無綫音樂節目《J Music》接受許文軒(Edmond)訪問,其中一節由多位跟郭富城合作多年的舞者,隔空傳上感性告白,播出後其中一些告白就被觀眾大讚感動,例如「只要你要我,我都會繼續幫你手」、「你除咗影響我之外,仲影響埋我個女」、「你好尊重我哋啲dancer,好覺得我哋都係一個表演者」,場面溫馨感人之餘,亦讓觀眾看出平時Aaron對人的真誠。
「一個啟德三個舞台」要令全場觀眾一齊感受普天同慶
談到收到啟德開騷消息的感受,Aaron直言當下既開心又興奮:「最主要希望捉住一個咁重要嘅時刻,因為跨年同新嘅一年對我嚟講係好重要時份。」提到以往演唱會舞台設計,Aaron透露今次的舞台主題︰「一個啟德三個舞台,除咗有主舞台,我哋中間大舞台,另外一邊一個10米高A字型舞台,仲有一個好似飛機跑道咁,希望大家去搵返一啲回憶。」他亦強調今次演唱會最重視氣氛:「今次演唱會我要求一樣嘢,就係開心有氣氛,同大家過一個好ICONIC同開心快樂嘅時刻。」要令全場觀眾一齊感受普天同慶的喜悅。
合作多年Dancer真情剖白︰你好尊重我哋啲Dancer
此外,訪問中節目邀請了幾位合作多年的舞者接受訪問,包括合作19年的IVY、17年的YOPPY、12年的阿彤及細C,還有10年的FRANCO,隔空向Aaron感性告白,而每位的告白都非常動人。
Aaron對一眾Dancer都好體貼,例如今次演唱會,會由著名美術指導張叔平(阿叔)負責服裝設計,更難得是連同Dancer的造型都諗埋。「以往阿叔只係做我嘅歌衫同造型,但呢段時間佢連我啲Dancer嘅造型都一齊諗埋,以前係分開嘅。」