郭富城啟德跨年唱《爆旋陀螺》? 自爆最初好抗拒︰有冇搞錯呀

撰文:許育民
出版:更新:

舞台王者郭富城(Aaron)啟德首演《郭富城ICONIC MOMENT啟德跨年演唱會26/27》,將於2026年12月31日及2027年1月1日舉行。早前Aaron上無綫音樂節目《J Music》接受許文軒(Edmond)訪問。談到今次作為「香港專屬場」,歌單方面會有甚麼特別。Aaron表示會有不少近廿年冇唱過的歌曲,都會在今次出現,其中既暗示又明示地說,將會演繹近年翻Hit的《爆旋陀螺》(台灣譯:戰鬥陀螺 / 日文原名:爆転シュート ベイブレード)主題曲《爆裂旋風》,不過Aaron就自爆當日未知該玩意翻Hit,見到工作人員將歌曲放入歌單,即時反應是︰「有冇搞錯呀?點解會唱呢隻歌?」

舞台王者郭富城(Aaron)啟德首演《郭富城ICONIC MOMENT啟德跨年演唱會26/27》,將於2026年12月31日及2027年1月1日舉行。(IG@aaronkwokxx)
早前Aaron上無綫音樂節目《J Music》接受許文軒(Edmond)訪問。(官方圖片)

將獻唱久違金曲 每朝勤記歌詞做準備

談到「香港專屬場」歌單,郭富城表示有不少十幾,甚至二十年冇唱過的歌,都會在今次重現,所以目前首要應付是記歌詞。「對我嚟講,每朝瞓醒最清醒嘅時候,最好就係去背歌詞。」

啟德首演踏入倒數階段,郭富城已開始排舞練歌。(影片截圖)

隨後,Aaron又強調會有些意想不到的歌,都會出現。那份意想不到就連他本人初見歌名時,都感到震驚!「我曾經開會話︰『有冇搞錯呀?點解會唱呢隻歌?』工作人員解釋完一輪,我話OK,擺住喺度先,擺住先!」

Aaron強調今次會有些意想不到的歌,而知道會唱《爆裂旋風》時,即時反應是︰「有冇搞錯呀?點解會唱呢隻歌?」工作人員解釋完一輪,終於接受大家意見。(影片截圖)

自爆最初抗拒唱《爆裂旋風》 「點解會唱呢隻歌?」

直到第二次開會,Aaron終於明白工作人員的用意。「我終於都明,因為喺呢個時代裡面,有啲嘢係會翻Hit,呢隻歌超過廿年冇唱過,相信大家聽到都會興奮,會一齊躍動。」Aaron更隨即擺出發射陀螺時的動作馬步,讓大家意會。

講得興起,Aaron更隨即擺出發射陀螺時的動作馬步,讓大家意會。(影片截圖)

無綫電視於2002年首播日本動畫《爆旋陀螺》(台灣譯:戰鬥陀螺 / 日文原名:爆転シュート ベイブレード)時,邀請了天王郭富城獻唱改編自原版主題曲的粵語主題曲《爆裂旋風》。這不單是Aaron少有的兒歌,當年更在兒歌金曲頒獎典禮上,奪得最高榮譽的「兒歌金曲金獎」。

當年更為歌曲《爆裂旋風》推出特別版3吋CD。(網上圖片)