谷婭溦賀處女專輯達金唱片銷量 受鄧紫棋啟發盼轉型做唱作人
撰文：劉傳謙
出版：更新：
吳若希、胡敏珊、何麗全一同出席谷婭溦唱片出席祝捷會。(劉傳謙攝)
谷婭溦（Vivian）今日（5/11）在尖沙咀舉行祝捷會，除了憑單曲《倔強》首度贏得本地電台冠軍歌外，其處女專輯《哭牆》在實體及數碼平台銷售數字都達到金唱片成績。會上Vivian不但在星夢娛樂行政總裁何麗全及香港唱片商會主席林錫堅手上接過金唱片外，也向好友吳若希（Jinny）的小朋友送上BB衫。
Vivian接受《香港01》訪問時透露，當下心情只能以「開心」來形容，笑說自己詞窮，也坦言能達到今天成績並不容易：「呢條音樂路已經行咗十幾年，能夠有今日嘅成績真係唔容易，堅持咗咁多年，終於有少少嘅果。」她也指過去獲Ginny教導一個練咬字的方法，自己再加緊練習，及後也會與對方交流唱歌心得。
Vivian指自己接下來將在唱作路上發展：「自己最了解自己，我覺得音樂上，自己寫嘅嘢先有嗰種力量，要打動到自己先可以打動到人。好似G.E.M.（鄧紫棋）咁，佢嘅歌都係發自自己嘅內心，所以佢先會咁紅，咁多人鍾意佢。」她指目前已經準備好開演唱會，本來定於11月舉行，但目前也有不少工作，包括準備參加歌唱比賽《聲生不息》。