【黎明演唱會】李彩華捧場 爆男友唱黎明歌示愛
撰文：李妍樺 陳奕熙 彭嘉彬
出版：更新：
黎明（Leon）今晚於中環海濱活動空間舉行《黎明Leon's Penguins in Live 2017》，圈中名人藝人都有到場支持，包括李彩華（Rain）、岑杏兒、陳小春、謝天華、莊思敏、張家瑩等。其中李彩華更與男友何遠恒一同到場，不過男友就表現怕羞，一開始不願合照，在記者多番提議後才合照。
訪問時，Rain笑言男友已有一段時間沒有上鏡，所以比較怕羞，她又說到因為男友也是黎明的粉絲，有話題一齊睇騷，跳起舞上來會更好。Rain又談到兩人的sweet嘢：「識佢個時唱咗佢唱咗黎明的《對不起我愛你》，上次佢（男友）睇唔到，今次特登搵朋友留咗飛。」
李彩華與男友何遠恒一同到場。（符祥定攝）
莊思敏與妹妹莊思明則表示希望聽到黎明唱經典快歌，如《眼睛想旅行》，兩人人講到好期待今晚：「香港好少有啲全企位嘅音樂會，就算凍跳舞會跳到好high，今晚係鄭秀文做嘉賓，好期待。」
莊思敏與妹妹莊思明一齊捧場。（符祥定攝）
至於明日將開騷的樂印姊妹，妹妹駱胤鳴亦有到場睇騷，她表示：「我自出娘胎已經認識黎明，最近亦有跟開他的金句，最希望聽他現場版本的《眼睛想旅行》！」
駱胤鳴坦言從小就聽黎明的作品。