【黎明演唱會．多圖】黎明伴兔女郎 手持啦啦球開騷：唔凍呀嘛
撰文：陳奕熙 李妍樺
出版：更新：
黎明開騷喇！（符祥定）
期待以久的《黎明Leon's Penguins in Live 2017》終於開騷喇！由於全場均是搖滾企位，歌迷在開場時就已經火速High爆！頭戴七彩亮燈皇冠的黎明（Leon）先以一曲《一比一》開場，全場噴煙感覺好迷幻，唱到第二首歌《你係我嘅》的時候，Leon把帽除下，並在全場走來走去，連企在後排的粉絲都完全照顧到，相當細心，而粉絲就非常活躍，跟住Leon一齊走，Leon行到邊，尖叫聲就跟到邊。
Leon還有兔女郎相伴。（符祥定攝）
唱畢《100樣可能》後，Leon終開金口，未講金句先關心歌迷：「大家好，唔凍吖嘛？」他又笑說大家看過那麼多次演唱會，坐了這麼久，係時候要企下：「我會快速跑去後面，後面嘅朋友唔好擔心！」有人眼利的歌迷發現Leon剪了頭髮，Leon就回應話因為剪了頭髮個人會比較精神。接著Leon又心血來潮講金句：「依首歌知道嘅人就應該知道，聽過依首歌嘅人就應該聽過。」咁其實係邊首歌呢？就是《相逢在雨中》，和今晚的感覺還真配呢。
Leon會細心地在「多個橫巷」的台上奔跑，大家不要擔心只見到「米粒Leon」和「背影Leon」。（符祥定攝）
Leon剪了頭髮，有邊個睇得出？（符祥定攝）
Leon今次開騷也落力跳舞。（符祥定攝）
Leon說：「依首歌知道嘅人就應該知道，聽過依首歌嘅人就應該聽過。」咁唔識點算？唔識仲敢嚟睇騷？（符祥定攝）