【考音功】2017年大公司無新歌手　香港樂壇就快玩完？

2017年已踏進後半年的階段，要喺今年出道嘅樂壇新人都差唔多應該發力派歌做宣傳。雖然每年都會聽到有人講：「都唔知依家啲新進歌手叫咩名，見都無見過嘅！」不過，早幾日地鐵廣告出現的一個樂壇新人林羨淇可說是震驚網絡界，連一個名不經傳嘅女歌手都可以一夜爆紅，到底今年仲有幾多新人經已不知不覺咁降臨樂壇，等待發圍機會？

繼續睇吓，以下邊位歌手你對佢有印象？放大照片即有提示及簡介。(答案在文章底部)

前新城知訊台台長朱明銳表示這個現象，正正反映了大公司對投資在新人身上的興趣越趨冷淡。現時為唱片公司高層的他直言：「現時唱片生意下跌，大公司對選擇新人的要求越嚟越嚴謹，因為捧一個新人，講緊係起碼三、四年嘅事情。大公司每年投資大概百五萬喺一個新人身上，最少三、四年先回到本，但在這三、四年當中，可能已投資了四、五百萬，而其後有成績你仍要繼續投資，這是很大的風險。所以我預視這個『新人減產』的情況大概還會維持幾年，之後的局面有可能更差。除非內地的版權能開放，唱片公司才能賺多些版稅。」

大公司用幾百萬投資在新人身上，以致新人數目減少。是否代表其他公司不停推出新人便是投資較少數字？朱明銳補充：「有啲細公司，或是獨立歌手，他們很多時候也會簽一些能夠「一腳踢」的歌手，作曲作詞編曲監製盡量能靠自己，那麼做歌便能減少大部份開支。但始終錄歌、拍MV、宣傳，統統也要用錢，所以做一個新人，一年最平都要三十萬。」

以下是相集中，提及過的歌手，答中一半當你贏。

林羨淇王嘉儀陳蕾楊澤怡 (前FFX成員)黃意雅秦馨敏顏卓靈劉敬雯 (奶茶)林聞恩Zpecial周沂