謝霆鋒學軒仔玩快閃Busking 著涼鞋戴黑超一樣可以Chok？
撰文：黃浩晉
出版：更新：
繼張敬軒之後，連英皇「大師兄」謝霆鋒都玩Busking，先到銅鑼灣Busking，晚上再到尖咀玩！話說英皇娛樂facebook專頁下午1時開始直播，但直播首20分鐘都只影着「音樂大童」logo，而logo下方寫有「做個音樂人」。約20分鐘過後，畫面才轉到銅鑼灣時代廣場地下的空地位置，然後洪卓立、泳兒、許靖韻、鍾舒漫、羅力威等人才現身。由於facebook live音響設備一般，非常吃力才聽得到洪卓立等人在唱謝霆鋒的《壞習慣》。
今次霆鋒現身銅鑼灣，夠晒驚喜。
五人合唱完《壞習慣》後，神秘嘉賓謝霆鋒手持木箱鼓驚喜現身，在場觀眾頓時歡呼歡迎男神出。雖然霆鋒依舊同一個All Back髮型，同一副太陽眼鏡，再配襯白色T恤，但同樣能夠炒熱現場氣氛。
神秘嘉賓豈止一個，戴住貨車帽、黑色T恤短褲的Eric Kwok抱住愛犬出場，霆鋒更與他即場攬攬，令現場觀眾氣氛更高漲！最後霆鋒與洪卓立等人再jam一曲便離開，fans們更夾道提起手機拍照，更有fans追上前不捨霆鋒離開。整個過程中，霆鋒除了與現場嘉賓交流外，並沒有開金口獻唱，難道霆鋒要再次演繹「無聲仿有聲」？
+3
「音樂大童」是英皇音樂的新計劃，並由作曲人Eric Kwok監製，Eric Kwok及Eye Fung作曲，陳詠謙填詞，三人親自操刀合寫一曲《音樂大童》，其開放予外界參與比賽。Eric Kwok更在宣傳片講：「如果你唔想唱歌，但係想玩音樂，有呢個編曲嘅才華，你絕對可以用我哋呢一首歌嘅旋律編過另外一個版本畀我哋聽，無任歡迎，等緊你呀！」
繼張敬軒後，霆鋒又玩Busking！