【考音功】英皇新秀今年停辦？ 陳偉霆參加新秀紅到內地
撰文：彭嘉彬
出版：更新：
香港歌手唔少都係選秀比賽出身，由梅艷芳到陳奕迅，唔係每一位都咁好彩有星探睇中然後力捧出道，不過有實力就自然可以靠自己，一般選秀出身嘅歌手，實力都有啲保證，起碼八、九十年代都出咗唔少天王巨星。去到千禧年代，本身由無綫同華星唱片合辦嘅《全球華人新秀歌唱大賽》，由2004年開始變左同英皇娛樂合辦《英皇新秀歌唱大賽》，2009年開始英皇更加自己獨立舉行比賽。搞咗十幾年，其實都出咗唔少現役歌手，有啲仲紅到喺內地多過喺香港見到佢。
陳奕迅當年都係參加TVB同華星唱片合辦嘅《新秀歌唱大賽》出道，其後2000年都轉投過英皇。
今年英皇大搞新計劃「音樂大童」，但遲遲也未有提及今年到底會不會舉行《英皇新秀歌唱大賽》，到底仲會唔會搞就唔知。不過可以肯定嘅係今年英皇喺選拔新人方面轉咗形式，寫咗一首《音樂大童》公開畀網民翻唱、改編，就算你唔識唱歌，只要有編曲方面嘅才華一樣可以參加。唔通今年將會力捧嘅新人會係一個編曲人？
不過其實歷屆唔少新秀冠軍最後都成為咗英皇旗下嘅歌手，你哋又記唔記得有邊幾個？
1. 吳浩康都算得上係新秀出身歌手當中嘅大師兄，2002年參加無綫舉辦嘅《全球華人新秀歌唱大賽》得到季軍，雖然當時比賽未改名，但已經有英皇娛樂歌手合約嘅獎項。咁多位新秀當中，阿Deep絕對係一個唱得之人，最近仲密密喺Facebook開Live唱歌比粉絲聽！
+2
不過自從2013年嘅新秀出咗個陳凱彤之後，近幾年《英皇新秀歌唱大賽》當中嘅冠軍都好似無再出道成為新人，包括2015、2016年嘅新秀冠軍 - 張可永同何嘉穎都不知所縱。似乎英皇喺新人選拔已經換咗一個模式，唔知今年大搞嘅「音樂大童」又會唔會令大家有驚喜呢？