【動漫節2017】10年火影迷學鳴人的堅毅 Cosplay變身添自信
「角色扮演猶如超人變身，穿上造型後就可以做到不同的事。」外號叫「族長」的27歲青年，純熟地化底妝、畫眼線、戴藍色隱形眼鏡，仔細畫上鬚狀紋，換上黑上衣和橙色褲，只消兩小時，已變《火影忍者》的漩渦鳴人（又稱鳴門）。
今年動漫節，又是他與一班志同道合的Cosplayer（角色扮演者）相聚大日子。
動漫角色走進族長的現實生活，他用鳴人的堅毅精神，鼓勵自己為興趣不放棄。
「這套係鳴人18歲成年嘅服裝，我好欣賞佢堅毅、唔放棄精神，當我穿上佢件衫，如同背負佢嘅使命。」他娓娓道來這個動漫角色對他別具意義。
「當我穿上佢件衫 如同背負佢嘅使命」
要成為專業的Cosplayer，除了熟悉角色原畫，更要四處找造型服、道具及訂購假髮，族長試過一年內花費5,000至6,000元添置10套造型。他說:「10年前已經睇火影，從未諗過有日會著住鳴人件衫，哩套造型要近乎原型，都籌備咗兩年了。」
「冇人搵我selfie 又唔敢主動搵人」
自言性格內向的族長，因不善言辭且怕說錯話得罪人，平日都是沉默寡言，「但Cosplayer有共同愛好、語言，可以係繁忙工作後輕鬆下，又唔怕講錯嘢，個人係好開心，全日都係笑。」
7年前，族長初次到動漫節，平日只在漫畫中看到的角色，竟逐一出現眼前，令他如癡如醉。每一個Cosplayer的扮演栩栩如生，激發族長也想扮演角色，終在兩年前在文憑課程畢業後，找到單車倉務員的工作，才將賺到的錢買了首套《超時空要塞F》角色「早乙女有人」，「第一次出cos有少少驚，在會場傻吓傻吓咁，又冇人搵我selfie，又唔敢主動搵人。」
《火影忍者》漩渦鳴人怎樣煉成的？點擊以下圖輯：
媽媽質疑：男人點解要化到鬼五馬六
穿著角色服裝走在現實大道，沿路途人對他紛紛投來奇異眼神，「嗰時好驚被人話，覺得係古怪嘅人，唔識正常出街。」
而令他更難受是家人的不理解，說得無奈時眼泛淚光:「被媽媽發現後，佢好擔心我，覺得男人點解要化到鬼五馬六，又見過我扮偽娘嘅相，驚我有易服癖。」他不想媽媽難過，自此從不在家中練習化妝和換服。
不過，幸得前女友的鼓勵支持，族長鼓起勇氣扮演鳴人「出cos」，即引來矚目。「第二次去會場，我都掙扎咗好耐，好冇主動識人，最後大膽搵人selfie，踏出第一步。」
族長雖然月入僅約萬元，除了家用、日常開支及持續進修學費，大部分投資在cosplay中，並在3年前與朋友合作辦工作室，以角色扮演拍攝不同內容短片，他說雖然短片關注度不高，亦曾想過放棄，不過眼見港人負面情緒高，希望短片內容能帶來歡樂，「就好似鳴人咁，想再堅持做落去。」
事實上，灣仔會展的動漫節會場，Cosplayer處處。雨柔只玩了Cosplay數個月，首次以女性打扮化身為出日野宮到動漫節會場。他表示扮演女性角色「好好玩」，但要留意有多個細節。他説：「難在鬚剃完，都要搵嘢遮掩，腳毛都要剃，且戴咗假胸。高跟鞋我喺屋企練咗兩個月，好辛苦。」
扮演女性角色「好好玩」
盧先生則以兩個月準備扮演星夢學園的冰上堇，首次Cosplay的他因想挑戰自己，故選擇以女性角色示人，「男性Cosplay男性好悶呀，無新意。」問到家人對他的造型會否有意見時，他説：「佢哋反對你Cosplay 反對到極，佢話你Cosplay係咪變性，我無理佢。」
