迪士尼巴斯光年完成歷險任務 少女粉絲:近兩個月到訪超過30次

撰文:梁煥敏
出版:更新:

迪士尼樂園的「巴斯光年星際歷險」園區今晚(31日)正式閉幕,「執勤」12年間滿載不少大小朋友的美好回憶,有升讀中五的蘇同學,6月底得知星際歷險閉館後極為失望,整個暑假差不多隔日前來「探望」:「我超級唔捨得,我即入嚟廿次、30次,一得閒就嚟。啱啱補完課又嚟!」對於遊戲中多次獲得滿分99萬分創舉,深感驕傲。另外,「美心妹妹」Celine今日亦與母親前來跟星際歷險遊戲説「再見」,其中巴斯光年經過跟她手拖手,她即表現驚訝地説「我今晚唔洗手啦」,認真俏皮。

蘇同學(右)與羅同學一同顯示巴斯光年親筆簽名公仔及「爆分」記錄。(梁煥敏攝)

巴斯光年星際歷險是香港迪士尼樂園2005年開幕時已有的遊樂設施,多年來儲下不少「忠實粉絲」。其中升讀中五的蘇同學與羅同學得知園區將為改建後,已到場超過30次,期間不時尾隨跟遊客拍照的巴斯光年,更不時向他展示其簽名公仔作「相認」:「我超級唔捨得,我知道咗後入嚟廿次30次,一得閒就嚟,放學都嚟,補完課又嚟!」其中對「星際歷險」遊戲已非常熟悉,「中咗中心有20萬分,我只係尋日已經拎咗兩次99萬分,呢兩個星期好多人,玩少咗,但都玩咗好多次。」由於她對Marvel超級英雄角色不表興趣,故顯得不快,更説當日因喜歡反斗奇兵的一眾角色購買年票,現想起更為不捨。

曾為美心集團拍攝廣告的童星、人稱「美心妹妹」的Celine跟母親到場與「星際歷險」説再見,她表示自己十分喜歡反斗奇兵的角色,對遊戲將改建顯得不捨,訪問期間巴斯光年完成拍照離場,跟她「愛的抱抱」及拖手,Celine開心得叫了出來,「好開心呀,佢突然攬住我又拖住手離開,我今晚唔洗手啦!」

「美心妹妹」Celine跟母親亦到場與「星際歷險」説再見。(梁煥敏攝)

另外,市民郭小姐與男友顏先生到場與「星際歷險」告別,她笑言:「最後一日,睇下打唔打得爆機。」她感嘆巴斯光年的遊戲設施於開幕時已經啟用,12年過去後已隨時代改變而要換上新主題,的確無奈。「好似昨日(裕民坊)麥當勞,都變咗兒時回憶,無辦法,時代變遷就係咁。」