【葵盛東倫常慘案】男親友認屍一言不發　鄰居同情孝順仔處境

葵盛東邨昨日（8日）發生倫常命案，34歲姓李男子疑因照顧長期病患母親壓力爆煲，揮刀幾近斬甩七旬病母頭部後，再從16樓跳樓輕生，重傷獲救。李涉嫌謀殺被捕，現時留醫羈留病房，情況由危殆轉為嚴重。一名年約30歲的男親友，今早到葵涌殮房認屍，他戴上口罩，離開時不發一言。

姓李疑兇與廖姓死者同住在葵盛東邨盛安樓一單位，涉案單位遭鎖上鐵鏈。鄰居朱女士表示，母子二人在上址居住約七、八年，死者早年可自行外出買餸，惟近年因身體問題需以輪椅出入。朱女士形容疑兇及死者二人「好好」，亦指疑兇為人孝順，家傭休假時亦會幫忙照顧廖婦，難料發生倫常慘案，表示同情疑兇的處境。她認為政府應制訂政策協助面對有類似問題的家庭，「佢（死者）個仔咁後生，一個人照顧阿媽真係好吃力，一般後生仔嘅享受佢又冇……無壓力就唔會發生呢啲嘢」，認為當局應在安老服務方面增撥資源。