【真係孤島】減珀麗灣來往中環船班次 原因竟然係咁！

馬灣四面環海，環境清幽，隨着珀麗灣早年落成，更變成了提倡綠色環保的「無煙小島」。該島謝絕私家車輛登島，平日居民出入，要依靠渡輪和居民巴士。與世隔絕都要出外上班上學，近日往來中環和珀麗灣的渡輪，向運輸署申請削減班次，原因竟是「水手好難請」，而居民巴士又同一時間傳出加價。居民因而大為不滿，日前更「游出海」，高呼「反對cut船」。

住在島上看似舒適寫意，不過對於馬灣居民，其實是「有苦自己知」。根據資料，現時非繁忙時間(早上10時至下午3時半)期間，往返中環和珀麗灣的渡輪只有一小時一班，而船公司正向運輸署申請，取消此段期間兩邊一共12班的班次，即取消此時段的所有班次。「一旦車路發生意外，居民就只有搭船先可以出島。」荃灣區區議員譚凱邦指，青馬大橋如發生意外，就只有渡輪是居民的「救命丹」，而近年青馬大橋的意外數字有所增加，渡輪的角色就更為關鍵。

「我哋都承認，非繁忙時間唔算多人搭，但市區好多交通工具都會係咁，每當有意外，居民一定會問：下班船係幾點？」譚續指，馬灣只有船和巴士兩種交通工具，稍有差池就會成為「孤島」，不可和市區交通相提並論，「起樓嗰時，發展商幅圖係有船又有車，街坊先至會搬入嚟！」他希望運輸署關注問題，同時加快公佈渡輪資助計劃的詳情，以解居民之窘。