【世界盃】歷屆吉祥物真身 香港插畫師教你點樣分
撰文：李穎霖
出版：更新：
世界盃分組賽正進行得如火如荼，不少球迷都金睛火眼盯着熒幕，緊貼着比賽的最新進展。不過，睇波的同時又有否考究過，「老是常出現」的那隻吉祥物，到底是甚麼動物？本港藝術團體&dear就用插畫，教你認清歷屆世界盃吉祥物的真身！
歷屆世界盃有不少主辦國都起用動物作吉祥物的原型，今屆亦不例外，但能記起牠們，甚至說得出其品種的人，可說少之又少，偏偏這些可愛的吉祥物，卻勾起了不看足球比賽的&dear成員Aimee的興趣：「我本身冇睇世界盃嘅，但發現好多屆都係用唔同動物做吉祥物，所以畫咗出嚟，希望大家睇波之餘，都可以認識下唔同動物。」
是次的插圖畫了本屆吉祥物Zabivaka的真身西伯利亞平原狼、上屆巴西世界盃貌似穿山甲的吉祥物巴西三帶犰狳、2010年南非世界盃吉祥物非洲豹等6隻動物，並在旁列上註釋，令人更了解牠們的背景。
&dear成員Aimee雖沒看足球賽事，但希望插圖能讓大家認識不同的動物。(&dear提供)
雖然Aimee說自己畫出來的動物「有好多都未見過」，但未必全是罕見動物：「未必全部都係瀕危動物，例如法國嗰屆用嘅雄雞都唔係罕見動物，但佢係國家嘅symbol。」
除了和世界盃有關的動物，Aimee指&dear本身會透過插畫，帶出關於自然生態和動物的議題，早前亦曾晝過一幅鳥巢分佈圖：「好多人以為雀巢係喺樹上，但其實雀鳥有好多種，佢哋都有唔同嘅生態同需要，所以築巢嘅地方都唔同。」
&dear的插畫通常都和自然生態、動物議題有關。(&dear提供)
