自由黨主席張宇人日前獲委任為行政會議成員，該黨榮譽主席田北俊曾公開要求張宇人辭去黨主席一職。田北俊今早（30日）出席電台節目時指，認為特首梁振英委任張宇人入行會「係『和諧』嘅手段」。至於有消息指，中央將發回鄉證予泛民議員，田北俊指對此感到鼓舞。

田北俊指，過去亦有不少政協表態同意發回鄉證予泛民議員，形容今次傳出此消息「我都好驚訝」，但「突然開綠燈係好鼓舞」。田又指，現時有人提倡港獨，而中央此時歡迎泛民回內地，希望反映中央對香港的政策轉為溫和。

張宇人入行會　田：係梁振英和諧嘅手段

被問及過去亦曾同時任行會成員及黨主席，現時要求張宇人辭任黨主席是否針對梁振英及張宇人？田北俊解釋時指，「最大分別係董生（時任特首董建華）雖然漏氣啲，但好和諧」，形容當時行會只有五名成員，有實權，加上當時董建華未有要求他封殺泛民，「反而係叫佢地代政府同佢哋（泛民）溝通」，與現時行會成員有出入。田又認為，梁振英委任張宇人入行會，只是「和諧」的手段。

田又指，行會奉行集體負責制，反問「唔通個黨豁免個黨主席另外做？」至於張宇人稱宣誓成為議員後，梁振英才向他招手入行會，田北俊稱不會質疑其時間表，但「應該一早有人講咗」，又稱「做黨主席無理由一時興起」，反問「你（張宇人）邊有時間搞黨務？叻極都做唔切咁多嘢掛？」

至於田北俊及自由黨創黨主席李鵬飛均公開要求張宇人辭去黨主席一職，但張宇人至今不為所動。田北俊指「榮譽主席」實為顧問，認為「畀咗意見佢唔聽，咪由佢行自己嘅路囉」。