荃灣神秘老字號「鼎大」罕見開閘 街坊驚訝:幾十年第一次開門
荃灣沙咀道一帶向來工廈林立,其中大成大廈地舖外牆掛有「鼎大 Ting Tai」巨型復古招牌,惟平日大閘長年緊閉,令不少街坊誤以為舖位早已丟空。今日(19日)有網民路過時,竟撞正這間神秘老字號罕有打開鐵閘,舉行「快閃開倉」2小時,隨即在社交平台Threads掀起討論,不少老街坊驚呼:「住咗喺荃灣幾十年,今次真係第一次見佢開大閘門!」
神秘鐵閘罕有打開 開倉售懷舊綠煲、木柄煎鍋
有網民昨今兩日在Threads發文分享,指荃灣「鼎大」於今日中午12時至下午2時半快閃開倉,有人今午經過,發現其復古鐵閘果真罕有打開進行開倉。
從現場相片可見,門外及店內擺放了多款充滿昔日情懷的廚具,包括復古墨綠色及米黃色木柄有蓋煮食煲、平底煎鍋等,部份煲具「$50 1個」,另外亦有冰桶等貨品發售。樓主形容現場「款式唔算太多」,但「好懷舊嘅感覺」。
荃灣街坊集體震驚:一直以為掉空咗
相關帖文引來荃灣街坊留言討論。許多網民表示每日經過都見其重門深鎖,直言今次開倉猶如「都市傳說」成真:「住咗喺荃灣幾十年,都未見過鼎大會開大閘門,今次真係第一次」、「估唔到有生之年可以見到佢開門嘅呢一刻,一直都覺得佢好神秘」、「吓,一直以為掉空咗」、 「終於見到佢開門」、「入面啲裝修可以拍復古劇比人打卡」。亦有網民大讚廚具款式不過時,「綠色隻煲超靚」、「好靚啊個木柄」。
不過,亦有打工仔大嘆開倉時間太短,無緣到場,笑言「呢個時間都返緊工喎....」、「唔係唔想去,但驚去到收工又或者賣晒,太快閃喇」。
1949年創立見證香港工業史 港式奶茶必備「三元牌」
這間令街坊覺得充滿神秘感的「鼎大」,大有來頭。根據鼎大旗下「三元牌(Rings Brand)」官方網站資料,鼎大金屬廠由潮州來港的蔡章閣博士於1949年創立,與生產「五星牌」的華錩同為香港鋁片及鋁器製造業的兩大先驅。創辦人蔡章閣博士的兒子蔡宏豪於1972年加入接棒,而第三代孫兒蔡澤民亦於2025年正式加入家族業務,即此本港品牌已傳承三代。
今次開倉廠房位處荃灣沙咀道68號大成大廈地下,1981年,該公司將廠房由青山道遷往上址至今,生產線則北移廣東南海。
鼎大旗下的「三元牌」三個紅圈商標陪伴港人走過逾四分三個世紀,鼎大於官網介紹指,時至今日,全港不少茶餐廳的奶茶師傅沖製港式奶茶時,依然指定選用貼有三個紅圈及其自家品牌「TING TAI」字樣的三元牌鋁製茶壺,並稱是「元祖港式奶茶壺」。