【小巴加至19座】第一代司機揸足50年：一切由9座非法白牌車開始
政府4月初正式刊憲宣布將小巴座位最多可加至19座，亦意味着這種合法近半個世紀的交通工具正式踏進新的一頁。駕駛了大半輩子的周金生和曾偉平見證小巴，由9座白牌車走到今日。
小巴每次加座位都會踏進新的年代，二人坦言最懷念小巴剛轉冷氣車的輝煌歲月，又謂當年「人人爭住搭」；可惜時日過去，香港逐漸倚重鐵路，縰使現今路線大減、乘客量不如預期，但二人都稱「要揸小巴直到最後一刻」。
在黃埔的小巴站，綠色專線小巴熙來攘往，彷彿鐵路的伸延對這兒影響並不大；誰知小巴司機曾偉平卻指並不如記者所想：「唔係你咁諗㗎，以前呢度好快就坐滿客開車，依家坐唔滿都開車，所以你咪覺得都無咩影響咁囉。」此時，另一司機周金生又提到小巴當年的往事：「70至80年代小巴真係好風光㗎，啱啱由白牌車轉到合法，當年又冇咩交通工具有冷氣，所以真係人人爭住搭，依家真係無以前咁好了。」
60年代因暴動而合法
「風光的當年」究竟是如何？周金生表示，小巴的輝煌要由50、60年代說起，當年18歲的他成為了9座白牌車司機：「細個鍾意揸車，所以都搵返司機嚟做，嗰時呢款白牌車主要喺新界行走，我就負責駕駛啦，仲會有個『蛇仔』跟車，佢就負責叫人上車落車收錢，同埋，當年係非法所以都靠佢留意有冇警察。」
1967年香港發生「六七暴動」，當時巴士罷駛、交通癱瘓，政府不得以默許9座白牌車駛入市區，這款交通工具日漸受歡迎，1969年小巴加座至14座，翌年政府推出白牌車合法化政策，始後小巴真正駛進黃金歲月。
當時20來歲的曾偉平正好成為了司機：「我第一個小巴牌已經喺呢度（黃埔）揸，嗰條係6號線，當時小巴司機好吃香㗎，我都試過有青春少艾塞啲電話畀我！」他所講的是70年代，14座小巴正式獲發牌。「1983年小巴就有第一部冷氣小巴，嗰時唔係好多交通工具有，啲人會特登等冷氣巴嚟先上車。」
有冷氣「韾香」 再獲准加位至16座
同一個年代，周金生卻又有些不一樣經歷，因為他駕駛的並不是專線小巴：「我嗰陣就揸紅van，做啲『公海』線，即係上水、粉嶺、旺角都任我去，總之邊度好搵就去邊。」香港山路多、能夠遊走港九新界的小巴因而大受歡迎，1988年政府再批准小巴加座位至16座。
「其實我又唔覺得揸唔同座位嘅車有咩唔同，都係照咁樣踩油。」曾偉平笑言，但或許對周金生而言就有點不同：「我嗰時就開始唔揸『公海』了，轉揸有穩定路線嘅紅van，後來就轉番揸綠色專線小巴了，始終年紀開始大。」
19座小巴新世界 曾偉平：我都係咁做
同樣地，政府在80至90年代開始大力發展鐵路，2000年的《鐵路發展策略2000》更提出「以鐵路為骨幹」的發展方針，巴士和小巴的路線都因而被重組；現於黃埔小巴站服務的曾偉平和周金生都感受到這股壓力：「觀塘延線開咗之後，有時真係坐唔滿都照開，無嘅，多啲嚟密啲手咁囉。」
政府就19座小巴刊憲，面對將來加多3個位的新小巴，曾偉平稱「都係照依家咁做」，不過，二人都年屆70，又怕不怕應付不來？周生金就笑言：「我搏命起上嚟，啲後生都唔夠我嚟，退休？我要做到最後一刻先會停㗎！」
