大老山隧道對開有怪男攔阻九巴開行。網上瘋傳一條長約1分鐘的影片，可見一名身穿灰衫的男子，站在大老山隧道收費廣場往沙田方向一邊的大老山公路中央，阻擋一輛277E九巴行駛。巴士停低後，灰衫男便高舉雙手，撲向巴士的擋風玻璃。

有男乘客見狀走向車廂車頭查看，怪男即爆粗指罵：「乜X嘢呀！」更激動從右邊褲袋掏出方形物件，大力擲到地上，傳出「啪」一聲響。同一時間，毗鄰另一輛83X九巴亦未能開行，該名男子站於兩車前方中間，多名乘客走到車頭了解。影片未有交代事發日期及時間，據悉該名男子其後自行返回行人路。

影片所見，現場為巴士站對開。拍片者見狀疑問：「咩事呀佢？」當目睹怪男撲向擋風玻璃時，片中即傳出聲音指：「碰瓷！」拍片者又稱：「影低咗喇‥‥‥癡線㗎‥‥‥唔好阻住我返屋企啦。」

涉事巴士有乘客事後在網上表示，「見部83X停左陣先嘅，跟住我坐部277E想開，之後就有人拍車頭，跟住部83X就開走左，我總站落車問司機發生咩事，司機哥哥話唔知呀，佢攔住其他車先‥‥‥」