【港人菲國製毒案】被告呼冤：今次畀人屈得好慘！
在菲律賓涉毒品案被捕的四名港人，其中兩人梁樹福(49歲)及盧榮輝(42歲)，家屬共4人今早（7月29日）出發到菲律賓，先後會見中國駐馬尼拉大使館領事及馬尼拉的議員，然而奔波整日，仍無法確實何時可探望被拘留的家人。眼見家人承受還柙之苦，家屬們難忍擔心和焦急之情，但堅信被捕家人是清白無辜，「細佬首先同我講，『今次被人屈得好慘，阿哥家姐一定要幫我，一場兄弟你信唔信我？』」「嚴打毒品係啱，但嚴打無辜，有無諗過後果係人命嚟？」
人生首次到菲律賓
四名家屬今早(7月29日)天未亮就到達機場，與記者簡單交談時，情緒仍然平和，但談到被捕家人的時候，就難掩內心憂慮。梁樹福及盧榮輝的家庭和背景均有共通點，二人同為土生土長的長洲居民，同樣多年來以駕躉船為生，同樣未曾試過到海外駕船，唯一一次就是這次到菲律賓的工作。
今次被人屈得好慘，阿哥家姐一定要幫我，一場兄弟你信唔信我？
「百分百唔會做出呢啲事」
「好驚，好震驚，唔敢相信」，梁樹福的哥哥梁先生憶講述，從朋友口得悉事件，「朋友睇到新聞，一個傳一個話俾我知，佢(梁樹福)只係一個好動啲嘅人，鐘意釣魚、打吓牌，百分百唔會做出呢啲事」，家屬在事發後一直無發聯絡梁，直指近一個星期後，大使館致電他們，說可以跟梁通長途電話。
而短短15分鐘的對話，梁先生堅信弟弟的清白，「細佬首先同我講，『今次被人屈得好慘，阿哥家姐一定要幫我，一場兄弟你信唔信我？』然後佢講番件事(被捕過程)俾我聽，發現有好多疑點。好似(警方)搜完一次無發現，突然有個助手叫佢哋入房等，然後就話搜到包毒品出嚟。」梁又指弟弟育有一子一女，事發前仍不時與女兒以短訊聯繫，但事件後女兒傷心欲絕。
沒有犯事紀錄
盧先生就指他們一家六兄弟姊妹，盧榮輝排第三，育有一名13歲女兒。盧家兄弟姊妹從小就一同於長洲成長，感情要好，即使現時分開居住也經常一起聚會，「同阿媽食吓飯，打吓麻雀」。
盧小姐說弟弟一直循規蹈矩，沒有犯過事，亦沒有不良嗜好，只是有時愛玩，「人緣好好，鍾意周圍飲飲食食，但傷害人嘅嘢一定唔會做。」她指中國駐馬尼拉大使館領事日前探望弟弟時，弟弟稱自己健康良好，惟她們直接與弟弟通電話，才知道他水土不服，「打俾佢嗰陣，佢話身體好差，水土不服。你話一個人連自己病都唔敢同大使館講，佢做得啲乜嘢出樣？」
被困七天 一開工即被捕
盧小姐憶述，事發前盧榮輝曾告訴她會去菲律賓工作幾天，「話會包飲包食包住，每人有幾萬蚊報酬」。結果盧於7月4日起程，起初數天仍有照片傳給她們，「食蘇眉，又去賭場玩」，直到第6天，盧曾以話音短訊告知女兒，當地環境很惡劣，想回香港，但言語不通又找不到車。誰知到第7天，盧正式上船工作時就被捕。「如果佢係要嚟製毒，會唔會事前周圍同人講自己去菲律賓玩幾日，講到全長洲街坊都知？」
如果佢係要嚟製毒，會唔會事前周圍同人講自己去菲律賓玩幾日，講到全長洲街坊都知？
在得悉事發後，盧小姐一家人均擔心至極，她自己更是多晚失眠，連工作也受影響，「我特別錫呢個細佬，上司都擔心我返工會亂諗嘢叫我返少啲，我只係想攞返個公道！」，談到菲律賓近期嚴打毒品罪案，盧小姐更激動落淚，「嚴打毒品係啱，但嚴打無辜，有無諗過後果係人命嚟？」。
她指堅信弟弟是無辜，又稱案件疑點重重，「打電話俾細佬果陣，第一件事我問佢，你知唔知件事嘅嚴重性，佢話『我知，幫我搵律師，同我之前嘅工作紀錄，我係被人屈嘅』」。她指弟弟缺乏危險意識，「以為去到(菲律賓)當玩，知唔知道宜家隨時會死？」
「以後邊個敢嚟菲律賓打工？」
折騰一日，分別會見大使館領事及馬尼拉議員，四名家屬指現時感覺狀況有變好，正洽商代表律師，但律師費高昂，真正能當面探望親人仍然有待確實。「我哋放低哂所有嘢，嚟到呢度只係想見下佢，知道佢仍然安好，同埋希望搵到好律師，佢可以得到公平嘅裁決」。談到整件案件，兩家親屬異口同聲認為港菲兩地政府對市民保障不足，「覺得香港人去外地好無保障，以後邊個敢嚟菲律賓打工？」，又指現時希望港府幫助，支援高昂律師費及其他協助。
