粉嶺公路驚見電動單車逆線行駛，網上流傳事發時的車CAM片段。影片顯示時間為今日（27日）早上7時04分，可見一輛私家車當時正沿快線往新田方向行駛，至金錢村何東學校對開時，驚見一名男子騎著電動單車逆線迎面而行，私家車馬上減慢並向右扭過電動單車，幸未釀成意外。電動單車隨即切線至中線，當男騎士打算再切線到左線時，發片司機立即響咹警示。從另一個角度的車CAM片段見到，電動單車最終橫越3條行車線，沿左線往上水方向行駛，影片到此結束。

從影片可見，電動單車司機並沒有配戴頭盔，狀甚危險，引起網民議論紛紛。網民形容事件「真心癲」，並指責電動單車司機在上班繁忙時間逆線而行「害人不淺」，指現電動單車無車牌猶如「冇王管」；亦有網民大鬧：「咁樣走入高速公路，害死D（啲）司機同乘客，你一個走出黎（嚟）害好多車／人」。