強颱風紅霞襲港，昨日（26日）天文台期間一度發出黃色暴雨警告信號，龍翔道疑因天雨路滑發生驚險交通情況。今（27日）凌晨網上流傳一段車cam片段，片中司機沿龍翔道彩虹邨行駛，惟在落橋位置時驚見前方一輛貨van迎面逆行，並在帖文中稱奇「R爆頭？！點解佢可以反方向喺呢個位出現？」。

由片段可見，司機及時收慢，該輛貨van打死火燈，同時慢慢向後駛。有網民推斷貨van並非故意逆行，可能因天雨關係跣胎，打白鴿轉導致逆行「有可能佢係冼（跣）軚，打左個白鴿轉，咁啱俾你見到佢轉完之後，個架個方向錯左。呢隻van落雨好Ｘ冼（跣）」、「落斜加落雨，揸得太快，過彎時跣胎，打埋個白鴿轉咪咁囉，事因我都見過jazz仔咁玩法」。