發現老公同異性講「同老婆已冇感情」 應否為咗細路啞忍？
撰文：親子王國
出版：更新：
喺forum睇到好多post都係講老公不忠或者出軌，真係愈睇愈心噏。其中有個老公尚未正式出軌，但就係被對方婉拒時講咗嗰句經典對白：
我同另一半已經冇感情㗎喇。
另一半發現咗之後唔使講，肯定嬲到噴火，或者心淡到不得之了啦。
有個留言好精警：你老公孔雀開屏，今次開到一半就摺埋咗，下次呢？一時不忠已經足夠證明佢身痕，今次食唔成啫，難保下次唔會姣婆遇著脂粉客。但如果要同老公攤牌，就要諗定後路：小朋友點安排？萬一分開生唔生活到？
【本文獲「親子王國」授權轉載。原文：發現老公同異性講「同老婆已冇感情」】