阿信屋林偉駿︰取消「689折」　拒與「689」同一命運

去年759阿信屋推出多重優惠，包括「689折」、用PayPass付款享 88折以及Tap & Go 手機錢包服務的5折優惠等，令全線759阿信屋門市都大排長龍，營業額大升。

然而，相隔一年，由於零售市道轉差，加上日圓谷底反彈，759阿信屋老闆林偉駿大叫救命，早前「預警」若日圓持續升值，今年全年可能要執笠30間分店。言猶在耳之際，他終於「變陣」，拍板5月起，陸續將絕大部分產品統一為「公價」貨，變相可享會員卡九折優惠的產品開始絕跡，但將會推出會員卡新優惠，初步構思買滿40至50元，全單享88折。目前公價貨品佔整體49%，正價貨品佔33%，街坊價則為7%，其餘為超低價及熱賣貨。

李澤楷曾「補貼」阿信屋

林偉駿接受訪問時解釋，去年推出多重優惠，全因協辦商提供推廣優惠期的差額補貼，例如Tap & Go 的5折優惠，他指︰「李澤楷好大手筆，補貼咗五成差額，門市伙計都唔使點sell客，不過今年經濟唔好，就無呢支歌仔唱喇！」

林偉駿大呻日圓回升，連基本紅利都失去，「今年再見689（折），我將會同689同一命運，跌落民望最低點，根本維持唔到生計。」唯有調整折扣優惠，他力言︰「唔會咁快玩完，爛船都有三斤釘，假假地都係上市公司，寧願關門都唔會執笠。」

雖然日圓上升，林偉駿表示日本貨會維持40%貨源，未來會增加歐洲貨至30%，另外東南亞貨亦會增逾10%，中國貨則維持4%至5%。他亦透露未來會與東亞銀行合作，推出iPhone支付，不過還未落實相關細節。