【溫多娜手記】港交所前公關一姐轉戰地產　下周一加入領展

港交所（0388）舊年公關部門人事變動，做咗多年嘅企業傳訊部主管陳涓涓（Lorraine）於去年8月離任，最新得悉Lorraine原來轉戰地產界，下周一起任職領展（0823）企業事務及市場策劃總監，繼續做公關「一姐」。

以往港交所總裁李小加身邊，總會見到Lorraine出現，對傳媒問題有問必答，絕對係100分嘅公關。佢就話，以前港交所嘅事務就較技術性，而領展嘅業務就多樣化一啲。雖然身經百戰，Lorraine亦講話新工係新挑戰，唔會低估呢份工作嘅難度，會盡力而為。

至於點解決定加入領展，Lorraine認為係希望進入一個唔同嘅行業，自己有新嘅歷練、新嘅視野，亦希望可與新聞界保持良好溝通，更好地連繫社區及公眾。