【90後創業】情侶檔年賺700萬? 「因為冇大學證書,我要搵錢」

撰文:張定明 侯栩澄 周詠雯
出版:更新:

由細到大,學校教曉你的是「讀好啲書,考好啲試,搵份好工」。所以,創業一直都是不一樣的路。
「冇錢仲講咩夢想,純粹是我冇大學證書,我要搵錢」,年僅26及27歲的90後情侶,已是8間公司的老闆,生意遍及中港兩地,卻被網民挪揄「有父幹」,但兩人均否認「有父幹我就唔洗同人合資,咁我真係賺到嘔血」。

App用戶請按此開啟瀏覽器觀看短片

現年26歲的伍卓倫(Alan),7年前與女朋友Zoe創辦設計公司起家,現已有8間公司。(周詠雯攝)

Alan:「如果要繼續讀大學,我屋企人就要賣樓,我唔想咁」

現年26歲的伍卓倫(Alan),7年前與女朋友Zoe創辦設計公司起家,現時生意遍及雷射槍、綜合遊戲場,以及明記甜品,「百足咁多爪」收入亦比同齡的人都要可觀,早前接受傳媒訪問時提到「情侶年賺七百萬」,Alan坦言,「我當時睇到都打咗個突,我哋有10幾個拍檔,分都唔會分到太多」。

輿論一發不可收拾,網民群起挪揄「最緊要有個乜乜老竇」、「成功需父幹」等等字眼攻擊,Alan就指並非如此,「我真係需要靠父幹嘅話,我不如自己開晒佢,咁我真係爽YY,真係賺到嘔血」。現時父母已經退休,Alan已經成為一家之柱。

【點擊觀看】
相愛7年,既是情侶,又是合作伙伴,兩人究竟如何維繫?

 

14歲就被家人送到新西蘭讀書的Alan,讀了三年多直至高中畢業,卻遇到人生的轉捩點。「當時屋企人住杏花邨,當時我知道家人嘅環境,若然要在新西蘭讀埋大學,我家人就需要賣樓」。Alan沒有接受家人賣樓求榮,因此18歲左右便回流香港。

Zoe自己主力設計,Alan則負責市場營銷,兩人情侶檔「拍住上」。(侯栩澄攝)

「因為成績唔太好,返到嚟Jupas(大學聯招)冇大學收我」,於是Alan選舉讀市場營銷的Top-up(銜接學士),差不多同樣時間,認識了現時女友Zoe,「都好彩遇到佢,帶我走一條創業嘅路」,兩人還未畢業,便創辦了第一間設計公司,不需要任何父幹,「唯一的支出就是$6000開間公司,加上每個月$200的虛擬辦公室地址」。

Zoe自己主力設計,Alan則負責市場營銷,兩人「拍住上」。(周詠雯攝)

Zoe:「每日朝9晚5,其實我諗唔到任何有趣嘅嘢」

在香港理工大學設計畢業的女友黃俊然(Zoe)坦言,「讀緊書嗰時,已經好知道自己做緊乜,year 2做實習時見到,每日朝9晚5,其實我諗唔到任何有趣嘅嘢」。

Zoe自己主力設計,Alan則負責市場營銷,兩人「拍住上」於2015年引入在外國流行的鐳射槍War Game,在銅鑼灣開設「Laisermads」,找來13個股東,合資158萬,大受歡迎,4個月便已回本。Alan坦言去年單是鐳射槍的純利便有250萬。「見到好好生意,當時就決定在內地再開,始終租金無得比,加上有朋友經常往返內地,可以放心睇住」。

兩人意識到,屬潮流玩意的生意,熱潮可能有冷卻的一日,所以找來西灣河著名的明記甜品合作,再創另一片天。(侯栩澄攝)

去年他們更於同一幢大廈添食,與10多個朋友投資150萬再開設另一綜合遊戲中心「Combo」,有得玩PS4、VR、乒乓波、飛鏢、桌上足球等,深受年輕人歡迎,於放學時段,學生更是蜂擁而至。同樣地,將生意複製到內地市場。

兩人又意識到,以上生意屬潮流玩意,熱潮可能有冷卻的一日,所以找來西灣河著名的明記甜品合作,在銅鑼灣開設分店,以全新的面貌示人,勢要在飲食業分一杯羹。

如果有大學證書 條路可能完全不一樣

人前他們是成功創業例子,Alan回想,「如果當時我選擇了繼續讀大學,可能條路會好唔同,可能我已經在一間大公司工作,就係因為我冇大學證書,變咗唯一出路就係自己工作。」