【見工點著好】Smart Casual代表乜？　Tee配牛仔褲又得唔得？

前幾日有個朋友WhatsApp我，問我見工應該點著好？封interview信寫明穿smart casual便可，但究竟smart casual是要怎麼穿呢？平時衣著已夠casual，但加上smart字，又等於甚麼呢？

爆檸哥
凍飲點解要加兩蚊？搭的士點解唔找碎銀？出名包拗頸，想打破傳統，用文字改變世界，識睇一定睇我，因為我最爆。

話說smart casual，早在1920年代在美國興起。簡單來講，就是被定義為職場上較為輕鬆的打扮。當時的smart casual講求衣著配搭得宜，保持專業但又不會過份嚴肅，並能營造一種輕鬆的感覺。

男性的話即是襯衫加西褲，但不用打領帶及不用穿西裝外套，鞋的話要配上皮鞋才合宜。女性則是上身配襯衫或針織衫，下半身穿長裙或西褲，再配上皮鞋，所以這時的smart casual與business casual意思差不多。

介紹番，好多藝人穿smart casual都穿得好好睇，好像陳冠希咁，在網絡上就搵到一組佢的衣著搭配相，換了是其他人穿，出來的效果即時大打折扣。

講真，如果你個人有型，咁著乜都係smart casual啦！你睇下原圖與改圖，就知人型就著乜都型。

今日的smart casual

不過時移世易，現今smart casual被定義得更為輕鬆隨意。男的上衣有領，便算是smart casual（甚至有人認為T恤都可以），下身西褲或牛仔褲，配上波鞋亦沒問題。

最重要是著得醒神、亮眼、有朝氣，配合身份和場合。而女性現今的smart casual，指的是簡約路線的風格，淨色襯衫加上深色長裙或連身裙都可，再配上深色平底鞋便沒問題。注意一點，通常短裙都被視為不合適。

咁講番見工smart casual，當然是穿得隱陣就最好，唔好鬼五馬六，唔好螢光色系咁就應該OK。始終去見工，尊重場合，認識工種是應份的事。如果本身份工完全不需要穿西裝，人人穿casual wear，然後你穿西裝見工，必然會過份隆重，弄出笑話並被面試官扣分，咁就唔好啦！

大家又對smart casual有乜睇法？覺得應該點著先至又smart又casual呢？歡迎留言討論下，又或者舉些例子，你覺得邊個藝人穿smart casual最有型？

你都想成為開筆一份子，稿件可電郵至opener@hk01.com；文章純屬作者意見，不代表開罐立場。