大型傢私店IKEA荃灣分店開幕，第一晚已經多人到要截龍、IKEA餐廳更因食物沽清而提早關閉。如此多人愛IKEA，究竟IKEA有甚麼魔力？以下幾件事，去過IKEA的你一定做過！

請點擊「全螢幕」觀看影片

1. 瘋狂試坐梳化

去普通梳化店，由於常常都有店員「1 on 1 mark實」，大家都唔好意思逐張坐。

反觀喺IKEA，店員採取「不打擾顧客」方針，你唔問佢嘢，佢唔會打搞你，咁你就可以任試唔嬲。

不過試還試，希望大家唔好大模斯樣坐喺梳化瞓覺，唔好阻住其他顧客之餘，亦都唔好令員工難做啦！

2. 幻想點樣裝修未來間屋

有男女朋友嘅人，每次去逛IKEA，都係一輪無限ff。

「不如我哋第日間屋裝修到好似呢個示範單位咁吖！」「買咗呢個大衣櫃，就可以擺哂我啲衫落去！」「第日生咗BB，就可以買呢張床仔喇～～～」

其實，即使你未有伴侶，去行IKEA，你都係會照ff。

IKEA嘅空氣，就承載住香港人安居置業成家立室嘅夢想，「而家買唔到樓啫，諗下都得掛」。

3. 一定認識Billy

這裏所說的Billy，是一個櫃。那一格格的書櫃，即使你無喺IKEA買過書櫃，但不知為何，你也會對他有印象。

你又知道為何這系列書櫃叫Billy嗎？其實Billy是這套書櫃的設計師，並於1953年成為IKEA的員工，直至2016年與世長辭，享年86歲。

4. 一定會識Golden

這裏所說的Golden，不是員工，但也不是櫃，而是隻狗公仔。

即使你不知牠叫Golden，但也一定見過牠。

這隻金毛尋回犬公仔，樣子可愛，有兩種size，大隻的版本，更與真狗差不多，好治癒。

IKEA荃灣店的官方宣傳片，也是用這隻狗仔拍攝的呢！

5. 拎支鉛筆仔、又拎把紙尺

IKEA會在店內提供紙尺和小鉛筆，供顧客寫下心水傢具號碼、傢具尺寸等。

不少人經過見到鉛筆紙尺，都會拎返支鉛筆仔寫下嘢。

不過大家拎還拎，記住唔好濫用啊！

6. 十次有九次都買十蚊雞熱狗汽水食

提起IKEA，一定要提嘢食。如果你係輕度IKEA嘢食愛好者，每次去IKEA，你都一定會買份十蚊雞嘅熱狗汽水，可說是窮人恩物，食完個包、飲完汽水、仲可以再斟多杯，簡直是糧尾救星。

臨走再食多杯軟雪糕，甜品都有埋呀！

7. 行捷徑直接去食嘢

如果你係中度至重度IKEA嘢食愛好者，單係熱狗汽水就滿足唔到你。

一入宜家，你心入面已經諗住肉丸、雞翼，仲有蝦杯、煙三文魚。

中度IKEA嘢食愛好者，仍有餘力依照一般路徑，兜哂傢私區先去餐廳；但重度IKEA嘢食愛好者，就會想辦法搵捷徑去餐廳，務求以最快速度將肉丸吞落肚！