【的士司機】不找零錢是行規？　為何每次總是找少幾毫幾蚊

坐過的士都知，的士司機找錢時都會自動波咁四捨五入，找少幾毫子甚至幾蚊，例如咪錶顯示$12.5就收你$13。
的士司機唔找零頭好似已是行規，大家都約定俗成，唔覺有問題，不過2013年就曾經有單幾乎為找少5毫子而告上法庭，但最後律政司撤銷有關檢控，事件才告一段落。

爆檸哥
凍飲點解要加兩蚊？搭的士點解唔找碎銀？出名包拗頸，想打破傳統，用文字改變世界，識睇一定睇我，因為我最爆。

的士司機遭投訴無禮屢見不鮮，
早幾個月前，有司機疑持鐵通驅趕乘客外，
早前也有抱住BB的媽媽
在網上指被的士司機拒載兼恐嚇，
的士司機形象跌至谷底。

而不找零錢的問題，則一直存在！​
一名的士司機早於2013年，
就因多收女廉署職員5毫車資，
而被投訴濫收車資，
最後鬧至警方接手，並提出檢控。
不過後來律政司表示事件太輕微，所以徹控。

默認唔找是行規

唔知由幾時開始，
大家都已覺得神沙唔係錢。
你見好多舖頭都寫住1、2、5毫不收，
就知零錢幾咁賤，
賤到人哋唔肯收。
其實大家都預咗的士司機係唔會找零錢，
嗰啲零頭都會當係小費，唔會指望有得找。

法例上是理虧

但事實上，的士司機不找贖零頭不是「奉旨」的。
如果的士司機在沒有得到乘客同意下，
不找回應找贖的毫子，在法例上是違法。
因為按道路交通（公共服務車輛）規例
第374D章第47條規定，
的士司機必須按照計程錶上顯示的收費
向乘客收取車資，
違例者可被罰款五千至一萬元，及入獄六個月。
就算只是一個幾毫，的士司機都有責任去找贖。
同時，司機亦應在開工前，
預先準備好零錢以作找贖，
不能以沒有零錢為理由，而拒絕找贖。

不外乎人情

揸正來做，就算是找少了一毫子都是犯法，
不能因為少錢而置之不理。
的士司機是有心多收，
或只是按行規無視這些零頭為小數，
都不是三言兩語就可判斷到。
但如果這不找贖風氣已是大多數人的社會共識時，
當然不是話唔使找贖，我相信只要你出聲，
的士司機都會將零錢找畀你。

你都想成為開筆一份子，稿件可電郵至opener@hk01.com；文章純屬作者意見，不代表開罐立場。